Нұр-сұлтан қаласының № 61 балабақшасы негізгі орталық ретінде танылып, көптеген семинарлар мен танымдық шаралар өткізді. Атап айтқанда, балабақша жасөспірімдері арасында қалалық жарыс, балабақшаның ата-аналары мен тұлектері арасында “Зияткер отбасы” жарысы. Яғни ата-әже мен немересі немесе әке-анасы мен ұл-қызының бірі команда ретінде сайысқа түсті. Бұл отбасы ішінде зияткерлік ойынның насихатталуына, ұрпақтар үндестігінің жолға қойылуына септігін тигізді.
Бестемше №5 балабақшада
Бестемше ойыны Нұр-Сұлтан қаласындағы №5 балақшада қарқынды түрде дамытылып отыр. Бұл бақша Step by Step бағдарламасымен жұмыс істеуімен қатар, зияткерлік ойындардан арнайы кабинет жасақтап, бестемшенің алаңдағы түрін ойлап тапты.
Алаңдағы Бестемше
Бестемше ойынын арнайы алаңда ойнау арқылы жұртшылықты қызықтырып, ойынның маңызын арттыра түсуге әбден болады. Оның үстіне балалар қимылдау арқылы денені ширату мен шынықтыру әрекеттерін қатар атқарады. Мұндай алаңдағы бестемшені рөлдік ойынды жаттығу мен жарыстар алдында ойнаған тиімді: ойыншыларды ойынға жұмылдырып, олардың денесін дайындауға, жүйкесін сергітуге көмегі мол.
Бұл ойын ойнаушы талғамайды: бала да, жас та, кәрі де, ойнай береді. Бестемше ойындарын 5 жастағы баладан бастап егде жастағы адамдар арасында ой спортының дағдысын қалыптастыруға болады. Балғын ойыншыларға ұлттық зияткерлік ойынның тарихы бойында түзілген ақпараттарды таныстыру оларды ойынға қызықтыра және мүдделі ете түседі.
