Білім беру жїйесі ќоєамныѕ јлеуметтік-экономикалыќ дамуында жетекші роль атќарады, сондай-аќ оны јрі ќарай айќындай тїседі

ҚОРЫТЫНДЫ

Жүргізілген зерттеу нәтижелері бойынша мынадай қорытынды жасауға болады:

1. 
   Ауыл мектептерінде жоғары сынып оқушыларының оқу-танымдық іс әрекетін белсендірудің теориялық негіздері тұлғалық-бағдарлық, іс-әрекеттік тұрғыдан айқындалды. Соған сүйене отырып, «оқу-танымдық іс-әрекетті белсендіру» ұғымдарының педагогикалық мәні мен мазмұны ашылып, жеке тұлғаны қалыптастыруда оқу-танымдық білімнің құндылық рөл атқаратыны анықталды.
   
2. 
   «Белсенділік», «оқу-танымдық іс-әрекет», «ауыл мектептері оқушыларының оқу-танымдық іс-әрекетті белсендіру» ұғымдарының ғылыми тұрғыда талдаудың қорытынды нәтижелері-философиялық, әлеуметтік, психологиялық, педагогикалық бағыттағы көзқарастар іс-әрекеттік жүйе ретінде қарастыруға мүмкіндік беріп, проблеманың бүгінгі күнгі көкейкестілігі мен зерттелу деңгейін анықтауға мүмкіндік берді.
   
3. 
   Қазіргі ауыл мектебінде оқу-танымдық іс-әрекетті белсендіруді оқушылардың жас және психологиялық ерекшеліктеріне сай қалыптастырудың құрылымдық-мазмұндық нобайы ұсынылды.
   
4. 
   Ауыл мектептерінде жоғары сынып оқушыларының оқу-танымдық іс-әрекетін белсендіру оңтайлы әдіс-тәсілдер, жұмыс түрлерін пән сабақтарында, оқыту үрдісіне ендіру арқылы жүргізіліп, мектеп практикасында қолданудың ғылыми-әдістемелік бағыттары көрсетілді.
   
5. 
   Қазіргі ауыл мектептерінде оқушылардың оқу-танымдық іс-әрекетін белсендіруді әлемнің біртұтас ғылыми-танымдық бейнесін тұлғалық-бағдарлы, пәнаралық, пәнішілік, танымдық әрекет процесінде жүзеге асырудың технологиясы жасалды.
   
6. 
   Ауыл мектебі мұғалімдеріне арналған «Оқушылардың оқу-танымдық іс-әрекетін белсендіру технологиялары» атты арнайы курс бағдарламасы жасалып, тәжірибелік-эксперименттен өткізілді.
   
7. 
   Ауыл мектебі жағдайында оқушылардың оқу-танымдық іс-әрекетін белсендіруге бағытталған педагогикалық жұмыс түрлері және олардың өзара ықпалды бірлігі, жүйелілік сипатта жүргізілген жұмыстар және олардың оң нәтижелері зерттеудің ғылыми болжамының дұрыстығын айғақтайды.
   

• 
  оқушылардың ғылыми білімге қызығушылығы мен белсенділігін қалыптастыруда ғылыми-танымдық жұмыс көлемін арттыру; тұтас педагогикалық үдерісте оқушыға субъект ретінде қарап, дербестігі мен еркіндігі болуын есте ұстау;
  
• 
  әлемдік білім кеңістігіне бағытталу жағдайына сәйкес, оқу-танымдық білім кеңістігін құру және оның мазмұнын адамгершілік пен рухани деңгейлер арқылы толықтыру әлі де болса жан-жақты зерттеуді қажет етеді;
  
• 
  оқушының білімге құндылық бағдарын қалыптастыруда халықтың педагогика мұраларындағы, қазақтың ғұлама ойшылдары еңбектеріндегі білімді жетілдіруге бағытталған идеяларды оқу үрдісінде кеңінен пайдалану;
  
• 
  зерттеліп отырған мәселеге байланысты қазіргі заман талабымен үндесіп, рухани, ұлттық ерекшеліктерімен сабақтасын, оны жетілдіруді басты бағдар ретінде қарастыратын оқулықтар, ғылыми-әдістемелік құралдар шығару;
  
• 
  «Оқушылардың оқу-танымдық іс-әрекетін белсендіру технологиялары» атты арнайы курсты мектеп практикасына енгізу және тиімді пайдалану.