4-ТАПШЫРМА. Кайсы кесиптин ээлери үнөмчүлдүк жөнүндө өзгөчө көп ойлонушат деп ойлойсуңар? Эмне үчүн? Жуптарда кеңешкиле, жалпы топто ойлоруңар менен бөлүшкүлө 5-ТАПШЫРМА. Төмөнкү эссени окугула, суроолорго жооп бергиле Мен чоңойгондо кайсы кесипке ээ болууну чече элекмин. Кесип тан-
доо – жөнөкөй иш эмес. Себеби дүйнөдө абдан кызыктуу кесиптер көп
да. Балким мен врач болуп, эң жаман ооруларды айыктырам. Же космос
мейкиндигин аралап, ааламга саякаттайм. А балким, биздин планетанын
сырдуу жерлерин изилдейм, же болбосо буудай өстүрүп, нан бышырам.
Илимпоз болуп, энергиянын жаңы түрүн табам, же апамдын ордуна аш-
канада тамак жасай турган роботту ойлоп табам.
Мен азыр болгону … класстын окуучусумун, келечекте кандай кесипке
ээ болоорумду айтуу мен үчүн кыйын. Бирок мен адамдарга пайдалуу
эмгектенем, ошондо мектептен алган билимим мага жардам берерин билем.
– Кесипти тандоо чын эле оорбу? Эмне үчүн?
– Врач эмне кылат? Илимпоз эмне кылат? Космонавтчы?
– Эгерде окуучу мектепте жакшы окуса, анда келечекте мыкты эмгектене
турганына кошуласыңбы? Эмне үчүн?
– Бул окуучу канчанчы класста окуйт деп ойлойсуң? Эмне үчүн?
6-ТАПШЫРМА. Тексттин каарманына мүнөздөмө бергиле, таблицаны толтургула Каарманга ат кой Сырткы келбетин элестетип, жаз Ал азыр кандай окуучу? Ал келечекте кандай адам болот деп ойлойсуң? Эмне үчүн? 7-ТАПШЫРМА. Мен кайсы кесипти тандайм? Суроолорго жооп бергиле, чакан текст түзгүлө y
Сен кайсы сабактарды өзгөчө жакшы окуйсуң?
y
Келечектеги кесибиң ошол предметтер менен байланыштуубу?
y
Кайсы кесипти тандадың? Эмне үчүн?
y
Өзүңө кыскача мүнөздөмө бер. Сенде кайсы сапаттар бар?
