Жаңбырды бақылау. Жұмбақ Көтеріліп теңізден,
Аспанға биік барамын.
Биіктен қайта түскенде,
Түрі кірер даланың. (Жаңбыр)
Тақпақ Жаңбыр – жаңбыр, жау жаңбыр.
Арық суы мол болсын.
Жауған жері шөп болсын.
Бақылау:
Аспандағы бұлттардың көшіп қозғалып жүргенін бақылай отырып, бұлттанып күннің түнеруіне бақылау жасаймыз (бұлтты, күңгірт,сұр бұлт, бұлыңғыр бұлт, жаңбыр жаууы мүмкін). Жыл мезгілінің өзгеруіне, күннің күркіреуіне назар аудару.
Тыңдау: Жаңбырдың дауысын тыңдаймыз.
Еңбек: Ауладағы жұмыс. Тротуарды, жол жиегін әктеу, сыпыру, жинау.
Өз бетімен ойындар: Қағаздан қайықтар жасап, жырақтағы шалшық суларға жүзгіземіз.
Ортаңғы топ
№ 6
Күннің күркіреуін, найзағайды бақылау Жұмбақтар Әуеден күбі түсті,
Күбінің түбі түсті.
(Күннің күркіреуі)
Жөңкейді бұлттар дүркіреп,
Жауады жауын күркіреп
Аспанның жүзі жарқ етті,
Ақ найза жерге сарт етті
(Найзағай)
Бақылау: Найзағайдың жарқылдауын бақылау, найзағай- бұл бұлт пен жердің арасында, бұлт арасында пайда болатын үлкен электр шашуы. Күн күркіреу әрбір найзағайдан соң болып отырады, одан кейін жауынның қатты жауатынына ұласады, одан соң табиғат жанданады, ауа тазарады, ал өсімдіктер тазаланады және жарқырайды. Қауіптіліктен құтылу үшін, күн күркіреу кезінде балаларға өздерін қалай ұстау керек екенін түсіндіру керек.
Қимылды ойын: «Бір аяқпен секіру эстафетасы»(тәжік халық ойыны)
Сап түзеп, екі топқа бөліну. Бір біріне эстафетаны тапсыра отырып,бір аяқпен секіріп қуып жетуге үйрету.Сыпайыгершілікке, тартысты шын шешуге тәрбиелеу.
Еңбек:Тотықұс үшін бақажапырақ тұқымын жинау. Тотықұсты тамақтандыру үшін тұқымды өз бетінше жинауға тәрбиелеу. Табиғат бұрышында мекендеушілерге жақсы қарым қатынаста тәрбиелеу.
Өз бетімен ойындар: Әр балаға оларды қызықтыратын ісімен айналысуға мүмкіншілік беру.
