Болатты электрпешінде алу өндірісі

Электрболатқорыту процесі конвертерлі және мартенді әдістерге қарағанда толық жетілген, сондықтан оны басқаларға қарағанда көбірек қолданады. Бұл сапалы және жоғары легірленген болаттарды, іс жүзінде балқыған болаттың шексіз сортименттерін алу, металды қыздыру үшін электр энергиясын қолдану мүмкіндіктерімен анықталады.

Электрпештерінде болат қорыту үшін мынадай шихталық материалдар қолданылады: металдық бөлік, қож түзгіштер, тотықтырғыштар, қосымша материалдар (тотықсыздандырғыш және легірлеуші) және көміртексіздендіргіш компоненттер. Металл шихтаның көп бөлігін металдық қалдық құрайды. Соңғы жылдары металл шихтаның құрамына металданған шекемтастар және ірі темір қосылады, бұл одан жоғары сапалы болат алуға мүмкіндік береді.

Өндірісте электрдоғалы пештерде балқытудың екі негізгі технологиясы бар: көміртекті немесе жаңа қож (қоспалардың тотығуымен) және легірленген болат қалдықтарынан шихта негізінде (қайта балқыту әдісі). Көміртекті шихтаның құрамына болат ломы (~ 90 %), қабықты өңделетін шойын (<10 %), темір кені, агломерат немесе отқабыршық (1,0...1,5 %), металды және әктасты көміртексіздендіру үшін электродты бой немесе кокс (2...3 %) кіреді.

Болат өндірісінің бөлек тәсілдерін салыстыру жылдық металдың шығарылуы электрпештерде 92...93%, қосақталған үрлеуімен конвертерлерде 91...92%, жоғарыдан үрлеуімен кәдімгі конвертерлер мен мартен пештерінде 90 %, екі астаулы пештер мен оттегі үрмеуімен мартен пештерінде 87...88% құрайтыны көрсетілген.

Болаттың химиялық құрамының аз өзгеру шегі, қорытпаның ірі және шағын құрылымын реттеу, металдың беріктік және созымдылық қасиеттерін жоғарылату, қақталма өлшемдерінің шақтама қатаңдығы – бұл іс-әрекетттер болаттың өзгеріссіз өндірісінде машина жасау өнімдерін алуды жоғарылатуды қамтамасыз етеді.