Дұғалар Аллах есімдері р

Өзіңнің Рахымыңнан жалынып, жалбарынып тұрып жәрдем

сұраймын - менің күллі істерімді Өзің оңынан реттестіріп берші!

Раббым, асылында мен Сені Әл - Муджиб, дұға етушінің дұғасына

жауап беруші, қажеттілігі бар құлының қажеттілігін өтеп беретін,

сұрауға лайықты Жалғыз Жаратушы деген есіміңмен

таныдым, осылай иман келтірдім Раббым!

Олай болса менің дұғаларымды қабыл болған дұғалардан етші!

Раббым, Саған мұқтажбын, Сенің дұғамды қабыл етуіңде мұқтажбын!

Уа Раббым, әміріңе құлдық, әміріңе құлдық деп алдыңа келдім, қуаныштан

қуанышқа жеткізе гөр деп алдыңа келдім. Бар жақсылық

бір Өзіңнің ғана қолыңда!

Раббым, асылында мен Сені Әл-Ғаффар, біздің біліп-білмей

істеген, үлкенді-кішілі, әшкере-жасырын болған күнәларымызды

кешіріп, Өзіңнің Кеңшілігіңмен күнәларымызды өзгелерден

жасырып қоятын Кең Жаратушы деп танып-біліп, иман келтірдім!

Раббым, Сен кешірімдісің ғой, кешіргенді сүйесің ғой, олай

болса менің де күнәларымды кешірші!

Раббым, асылында мен Сені Әл-Фаттах, қасиетті білімдер мен

құт-берекенің кілті қолында болған, құлдарының жүректерін

Өзін тануға, Өзін сүйдіруге ашатын, Жүректердің Әміршісі һәм

Күллі есіктердің кілті қолында болған Жаратушы Жаббар Ием

деп таныдым, солай иман келтірдім! Олай болса менің

жүрегімді Өзіңнің асыл дініңде бекемдеші, білім мен

құт-берекенің есіктерін ашып берші, әмин! 

3

@orazayev.akzhol