Алғашқы өңдеу дегеніміз- аңды сою, оның терісін сыпыру, құлағының шеміршегін алу, майын шелдеу, тұздау, кептіру, тазалау.
1. Қоян сою.Қоянды сояр алдында союшы басы мен алдыңғы екі аяғын қос тізесімен қысып, тұмсығынан ұстап, басын шалқайтып, өткір пышақпен тамақтың түбінен тік төмен қарай тіліп, қанын ағызады. Сонан кейін сойылған қоянды басын қысып тұратын орны, өрі қан ағызатын науасы бар столға салып терісін ластап алмас жағын қарастырады.
Қаны толық ағып болған соң қоянды шалқасынан жатқызып, артқы тесігінен құрсаққа дейін, құрсақтан артқы аяғының ұшына дейін тіледі. Екіншісін де дәл солай етеді. Құйрығын кесіп алып тастайды, сонан соң артқы аяғының терісін ажыратуға кіріседі.
Терісін сыпыру.Қоян терісін негізінде шұлық, құбыр, қапшық тәріздес етіп сыпыруға болады. Қоянның артқы аяғының терісін ажырату үшін әуелі тұяқ көбесінен айландыра кесіп алады, келесі аяқты да дәл осылай істейді. Сонан соң терісін аяқтан ажыратып, аяғынан іліп терісін сыпыра бастайды.
Сыпырған тері шұлық сияқты болып, алдыңғы аяғына келіп тіреледі. Алдыңғы аяғының терісін абайлап аяғынан ашып аламыз. Екінші аяғын да дәл солай етеді.
Достарыңызбен бөлісу: |
