Дипломдық жұмыс 6В01515- «Химия» Қызылорда, 2021 Қазақстан Республикасы Білім және Ғылым министрлігі

Сараланған оқытуды неғұрлым кеңінен пайдалану оқу процесінің сапасы мен нәтижелілігін арттыруға ықпал ететін болады:

* үй тапсырмасын беру кезінде әртүрлі деңгейлік тапсырмаларды пайдалану, кесте, график және диаграмма түріндегі ақпараттың нысаны мен мазмұны бойынша әртүрлі тексеру тапсырмаларын қосу, оқушылардың мектептен тыс түрлі көздерден алатын білімдерін есепке алу;

* табиғи құбылыстарды түсіндіру үшін білімді қолдануға арналған тапсырмалар басым болатын әр түрлі әрекеттерді тексеретін тапсырмаларды қолдану;

* әр түрлі пәндерді оқу кезінде алынған жаратылыстану-ғылыми білімдердің интеграциясын кеңейту және әр түрлі курстарда оқытылатын негізгі жаратылыстану-ғылыми ұғымдарды қалыптастырудың бірыңғай тәсілдерін әзірлеу;

* оқушылардың оқу іс-әрекетіндегі акценттерді өзгерту: репродуктивті іс-әрекеттің үлесін азайту есебінен оқушылардың зияткерлік дамуына бағытталған іс-әрекеттерді оқытуда кеңінен қолдану.

Дипломдық жұмысты жазу барысында мектептің органикалық химия курсынан қолданылатын саралап оқыту әддістеріне, көрсетілетін тәжірибелерге сипаттама бере отырып олардың көрсетілу әдістеріне, сабақ өту жолдарына және сол тәжірибелердің іс жүзінде қолдану арқылы оқу процесіне тигізетін әсерін тексердім. Кез- келген оқу процесінде енгізілетін әдістер оқу үрдісінде де, солүрдістің оьбектісіне де өзінің белгілі бір пайдасын тигізуі керек. Осы тұрғыда бұл дипломдық жұмыс – саралап оқыту технологиясын «кабонилді қосылыстар тарауын» саралап оқыту үдерісінде қалай пайдаланып, нәтижесінде оқушылардың қызығушылығы, білім сапасы артуына септігін тигізетіндігін тәжірибе жүзінде дәлелдеп берді. Ал егер сабақ үдерісінде осындай нақ осындай әдіс- тәсілдер, тәжірибелер қолданылмайтын болса, онда оқушылардың білімдері біршама төмендеп кететіндігін айқындап, саралау технологияларының орнының ерекше екендігіне баса назар аудардым. Жалпы зерттеу нәтижесі көрсеткендей оқушылардың білім деңгейі, сабаққа деген қызығушылығы сабақта жаңа технологияларды жүйелі түрде қолдану барысында біршама артады. Сондықтан мұндай оқушылардың білімі мен білігіне әсер ететін маңызды фарторға бей- жай қарауға болмас.

• 
  орта мектепте химияны оқыту процесінде дәстүрлі бақылау әдістерімен қатар, интерактивті бақылау әдістер жүйесін қолданудың тиімділігі педагогикалық және әдістемелік әдебиеттерден теориялық негізделді;
  
• 
  қазіргі кездегі орта мектепте химия пәнін оқыту кезінде интерактивті бақылау әдістерінің жүйесінің қолданылу аясы талданды;
  
• 
  интерактивті бақылау жүйесінің білім берушілік, тәрбиелеу және білім бақылау диагностикалық функцияларының мүмкіншілігі талданып, оқушылардың сабақты «жоғары деңгейде» меңгеруіне, химияға деген қызығушылықтарының арттуына алып келетіндігі анықталды.
  
• 
  орта мектепте химия пәнін оқытуда – саралап оқыту әдістерін қолдану оқушылардың оқу үлгерімдерін арттыру және оқу қызметін белсенді ету мүмкіншілігі тәжірибелік анықталды.
  
• 
  химияны оқыту процесінде оқушылардың білімін тексеруде дәстүрлі әдістермен қатар, саралап оқыту кезінде қолданылатын әдістер мен формалары қызықты да, танымдық болған сайын, оқыту процесі де тиімді болады;
  
• 
  зерттеу материалдары мектеп химия пәні мұғалімдерінің практикалық қызметінде қолдануға болады.
  

• 
  Саралап оқыту ресурстары – білім алушылардың білім сапасын арттыру және оқыту процесін жетілдіру үшін үлкен перспективалар ашатын заманауи танымдық құралдар;
  
• 
  Саралап оқыту технологиясының ресурстарын педагогикалық процеске енгізу көрнекілік принципін жоғары деңгейде іске асырады, оң мотивацияны қалыптастырады, білім алушылардың танымдық белсенділігі мен дербестігін ынталандырады;
  
• 
  Саралап оқыту технологиясы – бұл оқу және оқудан тыс қызметті оңтайландыруға және ықпалдастыруға ықпал ететін заманауи мұғалім қызметінің барлық бағыттарының маңызды құрамдас бөлігі;
  
• 
  орта мектептің оқу процесіне саралап оқытуды енгізу білім сапасын арттыру және жетілдіру үшін үлкен перспективалар ашады, мұғалімге білім алушылардың әртүрлі қызмет түрлерін ұйымдастыруға, білім алушылардың жеке дербес оқу қызметін жүзеге асыру үшін жағдай жасауға, өзін-өзі оқыту, өзін-өзі дамыту, өзін-өзі жетілдіру, өзін-өзі білім алу, өзін-өзі жетілдіру дағдыларын қалыптастыруға мүмкіндік береді.
  

Саралап оқыту технологиясының құралдарымен білім алушылардың білім сапасын арттыру моделін эксперименталды тексеру барысында осы модель жаңа материалды оқу кезінде білім алушылардың өзіндік қызметін қамтамасыз етеді, білім алушылардың оқылатын ұғымдар арасындағы өзара байланысын түсінуіне ықпал етеді және зерттеу барысында бөлінген педагогикалық жағдайларды іске асыру жағдайында білім, білік және дағды сапасын арттырады және ұсынылған гипотезаны растайды.