Тірек сөздер: əдепті, ізетті, кішіпейіл, əдепті қылығы, үлкендерге жол беру, сиқырлы сөздер, жылы көзқараспен қарау, кішілерге қамқор болу, үлкендерге көмектесу.
Мұғалім оқушыларға тірек сөздерді беріп, монолог құрауды топпен ұйымдастырады. Əр топтың жауабынан соң «Қай жауап саған көбірек ұнады? Дəлелде» тапсырмасын береді. Əр оқушы тапсырмаға өз көзқарасын білдіреді.
1.7 Сөздерді, дыбыстарды орфоэпиялық нормаларға сəйкес дұрыс айту.
4.1.7.1 – сөз ішіндегі жəне сөз бен сөздің арасындағы буын жəне дыбыс үндестігін сақтап айту.
(Ө) Қарамен жазылған сөздердің түбірін табу. Түбір сөздің соңғы дыбысының өзгеру себебін түсіндіру.
Мұғалім қарамен жазылған ізетті сөзін ізет+ті, қылығы сөзін қылық+ы түрінде тақтаға жаздырып, түбірдің соңғы дыбысы мен қосымшаның алғашқы дыбысына назар аудартады. Түбірдің қатаң т-ға аяқталуына сəйкес қосымшаның алғашқы дыбысы қатаң т-дан басталып тұрғанын оқушылар аңғарады. Түбірдің қатаң қ-ға аяқталып, оған жалғанатын қосымшаның дауысты болуына байланысты ғ-ға айналу ерекшелігін байқайды. Осындай жаттығуларды орындау арқылы қорытынды тұжырым жасауға жетелейді.
