Мұғалім оқушылардың əдептілік туралы жинақтаған ақпараттарының негізінде эссе жұмысын жазуды ұйымдастырады. Ол үшін эссе жазудың қадамдарын басшылыққа алады.
Эссе жазудың қадамдары:
Тақырыпқа сəйкес ақпарат жинау.
Жоспар жасау. Кіріспе бөлім, негізгі бөлім, қорытынды бөлімдерді қысқаша атаумен беру.
Жоспар бойынша жазу.
Жазғанын оқу.
Пікір білдіру.
Мұғалім эссе жазуға қойылатын талаптардың орындалуына ерекше мəн беріп, оқушылардың жұмысында көрініс табуын қадағалайды.
Жеке көзқарастың көрініс табуы.
Факті, мысалдар келтіру.
Тақырыптың дұрыс ашылуы.
Қанатты сөздерді қолдану.
Сөйлемдер мен бөліктер арасындағы мағыналық байланыстың сақталуы.
Салыстырудың болуы.
3.5 Қатені табу жəне түзету.
4.3.5.1 –
стилистикалық
(МК),(Ө) Эссені талдау, түзету, редакциялау.
Мұғалім оқушылардың эссені талдау жұмысын ұйымдастырады.
3-бөлім 1-ші жəне 2-ші бөлімдерде меңгерген білімдері мен біліктеріне негізделеді. Оқушылар алдыңғы сыныптарда көркем шығарма жəне ғылыми-көпшілік мəтіндермен таныс. Мəтін түрлері мен жанрын ажырата алады. Сөз мағынасымен жұмыс істеуде дереккөздерді дұрыс пайдалана алады. Аудио жазбалары арқылы ойын ауызша жəне жазбаша жеткізеді.
Мəнмəтін
Бөлім материалдарын оқу жəне оқыту «Мəдени мұра» лексикалық ортақ тақырыбы аясында қарастырылады. «Мəдени мұра дегеніміз не?»,
«Абайдың шығармалары – ұрпаққа мəңгі мұра», «Мəдени ескерткіштер сыр шертеді», «Мақала жазамын» тақырыптарындағы мəтіндермен жұмыс
«Дүниетану», «Музыкамен» пəнаралық байланыста жүзеге асыруды мүмкін етеді. Тыңдалған материал бойынша өз пікірін білдіру, мəтіндерге салыстырмалы талдау жасау, оқыған, тыңдаған жəне аудиовизуалды материалдар бойынша жазба жұмыстарын жүргізу арқылы оқушылардың тыңдалым, айтылым, оқылым, жазылым дағдылары жетілдіріледі.
Қысқаша шолу
Бұл бөлімде грамматикалық ұғым, түсініктер лексикалық тақырып бойынша берілген мəтін аясында қарастырылады. Сөйлемнің бірыңғай мүшелері мен күрделі сөз туралы жалпы түсінік беріліп, олардың тыныс белгілері үйретіледі, жасалу жолдары танытылады. Мақала жазудың əдістемесі көрсетіледі.
