2-сурет. Құстың зәршығару мүшесі. Қорытынды. Сонымен зәршығару – жануар ағзасына тән, асқорытумен тікелей
байланысты, денені артық, зиянды заттардан тазартып, тіршіліктің сақталуын қамтамасыз
ететін аса маңызды процесс.
Зәршығару мүшелері жануарлардың әрқайсысында әр түрлі болғанымен, барлығының
қызметі ағзаға түскен немесе ағзада түзілген зиянды заттарды «сүзіп», «жинақтап»,
сыртқы ортаға шығару болып табылады.
Зиянды заттарды ағзада бөліп, жинақтайтын негізгі мүше: қарапайымдарда
– жиырылғыш вакуольдер, құрттарда – жұлдызша түтікшелер, ұлуда – шұбалшаңның
жұлдызша түтікшелеріне ұқсас бүйрек, шаянтектестерде – жасыл түсті бір жұп бездер,
өрмекшітектестер мен бунақденелілерде – мальпигий түтікшелері, омыртқалы
жануарларда – бүйрек.
СҰРАҚТАР
1. Құрттардың (ақ сұлама, шұбалшаң) зәршығару мүшесі:
2. Ұлуда зәршығару қызметін атқарады:
3. Шаянтектестерде зәршығару мүшесінің қызметін атқарады:
4. Өрмекшілер мен бунақденелілердің зәр шығару мүшесінің қызметін атқарады:
5. Омыртқалы жануарлардың зәр шығару жүйесі:
6. Өрмекшілермен бунақденелілер мальпигий түтікшелері арқылы зәршығарады, ал
өрмекшінің көкірек қуысында:
7. Жиырылғыш вакуоль арқылы зиянды заттарды сыртқа шығаратын көпжасушалылар:
8. Құстың зәршығару жүйесін анықтаңыз:
9. Балықтар зиянды заттарды қай мүшесі арқылы сыртқа шығарады:
10. Қоңыздардың зәршығару мүшесінің қызметін атқарады:
V ТАРАУ. КӨПЖАСУШАЛЫ ЖАНУАРЛАРДАҒЫ ҚАН, ЛИМФА ЖӘНЕ
ҚАНАЙНАЛЫМЫ
