Дәрілік ерітіндіні теріге сылап жағу
Мақсаты: емдік.
Көрсеткіштері: дәрігердің тағайындауы бойынша.
Қарсы көрсеткіштері: терінің қабыну аурулары, терінің зақымдануы.
Құрал-жабдықтар: дәрілік ерітінді, сабын, су, сүлгі, дәке шариктері немесе мақта тампондары, қолғап, ҚЖКЖК.
Іс-әрекет алгоритмі:
Дәрілік препаратты қолдану бойынша нұсқаумен танысыңыз.
Дәрігердің ем тағайындайтын парағына сәйкес, науқасқа дәрілік ерітіндіні таңдап алыңыз.
Дәрілік ерітіндінің жарамдылығын тексеріңіз (атын, дозасын, сақталу мерзімін оқыңыз), тағайындалған дозасымен салыстырыңыз.
Науқасқа емшара барысы мен мақсатын түсіндіріңіз. Дәрілік препарат туралы мәліметті беріңіз.
Гигиеналық деңгейде қол деконтаминациясын жүргізіп, қолғапты киіңіз.
Науқастың терісін ұқыптап сумен сабынмен жуыңыз, сүлгімен құрғатып сүртіңіз.
Теріге қажет мөлшеріндегі дәрілік ерітіндіні арнайы құралдармен жағыңыз (дәке шариктері, мақта тампондары және т.б.).
Науқастың терісіне дәрілік ерітіндіні жеңіл айналмалы қозғалыспен, науқастың терісі құрғақ болғанша сылап жағыңыз.
Қолғапты шешіңіз. Қолыңызды жуып, кептіріңіз.
Қолданылған мақта шариктерін, дәке тампондарын, қолғапты ҚЖКЖК-ға салыңыз.
Бір рет қолданылатын шприцті құрастыру
Бір рет қолданылатын шприц құрастырылған түрінде шығарылады, оны пайдалану төмендегідей даярланады.
Құрал-жабдықтар: залалсыздандырылған мақта (шариктерін) түйіршектері, қолғап, бір рет қолданылатын шприц, 70% спирт, зарарсыздандыру ерітіндісіндегі пинцет, ҚЖКЖК.
Іс-әрекет алгоритмі:
Гигиеналық деңгейде қол деконтаминациясын жүргізіп, спиртке ылғалдатылған мақта түйіршіктерімен қолыңызды өңдеп, қолғапты киіңіз.
Қолынызға ораудағы бір рет қолданылатын шприцті алып, оның жасалған күнін және саңылаусыздығын тексеріңіз.
Сол қолыңызға ораудағы шприцтің поршенін жоғары қаратып алыңыз.
Поршень жағынан орауды ашыңыз.
Ораудағы шприцті шығарып, иненің канюлясын шприцтің ине астындағы конусына жалғастырыңыз.
Ине астындағы конус кеңістігіне (ине қалпақтың ішінде) ине канюлясын саусақпен үйкенкіреп бекітіңіз.
Инеден қорғаныс қалпағын алмай тұрып, поршенді өзіңізге қарай тартып шприцке
ауаны сорып алып, шприцтен ауаны шығарыңыз, иненің өткізгіштігін тексеріңіз.
Құрастырылған шприцті ораудың ішкі бетіне салыңыз.
Қолғапты шешіп ҚЖКЖК-ға салыңыз.
Достарыңызбен бөлісу: |
