18. Жазба тілге тән морфологиялық тұлғаларды табыңыз? А) Бара тұрған, қысылыста, барсын, болсын;
В) Баратырмын, қысылғанда, баруы қажет, болуы тиіс;
С) Барғасын, қысылыс үстінде, баруы керек, болуға қажет;
Д) Баратұғын, қысылғанда, баруға қажет, болуға керек;
Е) Бармақпын, қысылыста, баруға тиіс, болуы қажет.
19. Метафораның ең басты стильдік ерекшелігі? А) Сөз ішіндегі дыбыстың немесе буынның орын ауыстыратындығы;
В) Бейнелілігі, ойды бейнелі түрде жеткізетіндігі;
С) Белгілі бір топтағы бір нысанның атын бүкіл топқа немесе бір топтың атын басқа топтағы бір нысанға ауыстыра қолданатындығы;
Д) Жеделділігі, ойды ықшамды түрде беретіндігі;
Е) Экспрессивті-эмоциональдық бояудың болмауы.
20. Күллі, барша жалпылау есімдіктері қай стильдерде көбірек қолданылады? А) Публицистикалық стиль мен сөйлеу тілі стилінде;
В) Публицистикалық стиль мен ресми стильде;
С) Публицистикалық стиль мен көркем әдебиет стилінде;
Д) Публицистикалық стиль мен ғылыми стильде;
Е) Барлық стильдерде.
21. Диалогты сөйлемдер қай стильде көбірек қолданылады? А) Көркем әдебиет стилінде;
В) Ресми стильде;
С) Ғылыми стильде;
Д) Публицистикалық стильде;
Е) Сөйлеу тілі стилінде.
22. Сөйлемнің экспрессивтілігі дегеніміз? А) Предикаттық қатынастың негізінде құрылған, мағыналық бірлікте жұмсалған, біршама тиянақталған ойды білдіретін синтаксистік тұтастық;
В) Құрылымдық-семантикалық жағынан сөйлемнің дербес бөлшектерін құрайтын толық мағыналы сөздер мен сөз тіркестері;
С) Ойдың күшейтіліп, мәнерлі түрде айтылуы;
Д) қарым-қатынастың мақсатына қарай сөйлемнің мағыналық жағынан мүшеленуі;
Е) Сөйлемнің бір ғана мүшесінің қызметін атқаратын, бір ғана сұраққа жауап беретін, көбінесе бір тұлғада, бір сөз табынан жасалып, бір ғана сөзге қатысты болатын сөздер тобы.
23. Тіл нормасы дегеніміз? А) Адамдардың бір-бірімен қатынас жасау нәтижесінде қалыптасып бекіген, жалпы халыққа тегіс танылған тілдік құбылыстар;
В) Тіл құралдарының көмегімен болатын сөйлеудің сыртқы көрінісі;
С) Өмірдің белгілі бір саласында қолданылып, тарихи қалыптасқан тілдік құралдардың жүйесі;
Д) Жағдайға байланысты сөйлеу мәнері;
Е) Комуникативтік қызмет кезінде әлі қалыптасып бекімеген, жалпылама жұртқа түсініксіз тілдік құрылымдар.
