«Филология» мамандыєына арналєан
ДӘРІСТЕР ДӘРІС ТАҚЫРЫПТАРЫ ЖӘНЕ ОНЫ ЖАЗУҒА ӘДІСТЕМЕЛІК НҰСҚАУ
жүктеу/скачать 403,5 Kb.
|
- Бұл бет үшін навигация:
- 1-дәріс. Қарым - қатынас әлеуметтік - психологиялық проблема ретінде Мақсаты
- Дәрістің мазмұны
| 2. ДӘРІСТЕР
ДӘРІС ТАҚЫРЫПТАРЫ ЖӘНЕ ОНЫ ЖАЗУҒА ӘДІСТЕМЕЛІК НҰСҚАУ Мақсаты: студенттерді курс бойынша тиісті теориялық білімдерін қамтамасыз ету Міндеттері: Әр тақырыпты меңгерту барысында жүйелі білім беру; Әр тақырып бойынша негізгі ұғымдармен таныстыру және меңгерту; Пәнге қызығушылығын арттыру және өздігінен жұмыс істей білуге үйрету. Дәріс -жоғары оқу орындарындағы оқытуды ұйымдастырудың негізгі формасы. Ол студенттерге олар үшін жаңа ақпараттарды беруге тиімді. Дәріс студенттердің пәнге деген қызығушылығын арттырады, алынған білімді практикалық міндеттерді шешуде қолдануға көмектеседі. Дәріс - студенттерге өздігінен терең білім алуға ізденіс туғызады. Дәріс сабағын тыңдау және жазуға даярлық: Сабаққа кешікпеңіз; Дәріс дәптеріңізді және қаламыңызды ұмытпаңыз. Дәріс барысында мәтінді қалмай жазып отыруға талпыныңыз. 1-дәріс. Қарым - қатынас әлеуметтік - психологиялық проблема ретінде Мақсаты: Қарым – қатынас туралы түсінік беру. Қарым - қатынастың психологиялық және педагогикалық аспектілері жайлы мәлімет беру. Дәрістің мазмұны: Қарым - қатынас түсінігін анықтау. Қарым- қатынастың пайда болуы және дамуы. Қарым - қатынас мазмұны. Қарым - қатынас құралдары. Қарым- қатынас процесіндегі әсер ету механизмдері. Қарым - қатынас стилі. Қарым - қатынастың психологиялық және педагогикалық аспектілері. Психология ғылымының кез келген мәселесі адамның жан дүниесінің сырымен, қоғам мен әлеуметтік өмірдің сан алуан салаларымен тығыз байланысты. Бұл табиғи заңдылық болашақ ұрпақтың да өмір жолы мен тағдырының әрқилы қырларымен өзара ұштасады. Жоғарыда айтылғандай, адамдар арасындағы қарым-қатынас жасаудың, олардың өзара тілдесе білуінің құпия-сыры мен кілті неде деген мәселенің шешімін табу-қазіргі өмір талабы болып отыр. Егер әлеуметтік психология ең алдымен, адамзаттың іс-әрекетіндегі заңдылықтарын талдайтын болса, онда ғылым эмпирикалық айғақтармен байланысты болады. Бұл айғақ адамдардың бір-біріне әсері мен қарым-қатынасы болып табылады. Қарым-қатынас –адамдардың бір-бірімен байланыс жасайтын процесі. Адамдар мен жануарлардың өмірін қарастыра келгенде байланыстың 2 түрін қарастыруға болады: табиғатпен байланыс және тірі табиғатпен байланыс. Қарым-қатынас барлық жоғары тірі ағзаларға тиесілі. Ол адамдар деңгейінде нағыз формасына ие болып, саналанған және сөйлеумен тығыз байланыста болады. Қарым-қатынасты: Қарым-қатынас мазмұны; Қарым-қатынас мақсаты; Қарым-қатынас құралы сияқты аспектілерін бөліп қарастыруымызға болады. Қарым-қатынастың мазмұны дегеніміз-белгілі бір ақпараттың қарым-қатынас арқылы бір адамнан екінші адамға жеткізілуі. Ал мазмұн дегеніміз-адамның ішкі түрткілері және эмоциялық жағдайлары жайлы мәліметтер. Қарым-қатынас қызметтері: Прагматикалық қызметі адамдардың бірлескен іс-әрекетінде жүзеге асады және қарым-қатынастың қажетті-сотивациялық себептерін көрсетеді. Мұнда қарым-қатынас ең маңызды қажеттілік болып табылады. Қалыптасу және даму қызметі серіктестердің бір-біріне әсер етуінен көрінеді. Қарым-қатынас нәтижесінде адам барша адамдық тәжірибе мен білімдерге ие бола отырып, тұлға ретінде қалыптасуының маңызы зор. Бұл адамның өмір барысында жинақталады. Дәлелдеуші қызметі адамдардың өзін-өзі тану, дәлелдеу мүмкіндігін туғызады. Адамдарды біріктіру немесе бөлу қызметі, біріншіден, өзара ақпараттармен алмасады және мақсаттарының біріктіру жолдарын қарастырады, екіншіден, нәтижесінде адамдардың бір-бірінен бөлектенуіне әкеліп соғуы мүмкін. Ұйымдастырушы және тұлға аралық қатынасы қолдаушы қызметі адамадар арасындағы тұрақты байланысты ұстап тұру, оның әрі қарай даму жоспарын қарастыру. Ішкі тұлғалық қызметі адамның өзімен-өзі қарым-қатынасқа түкенде туындайды (ішкі немесе сыртқы сөйлеу арқылы). Осы қарым-қатынастың түрі ретінде адам ойлауының әмбебап формасын қарастыруға болады. Қарым-қатынас механизмі. Қарым-қатынастың әмбебап реттеуші механизмі болып адамның психикасын толықтай анықтайтын бағдар жатады. Психикалық құрылымындағы әртүрлі бағдарлар ұстаған адамадар тез кикілжіңге түседі және олардың қарым-қатынасы да ұзаққа созылмайды. Олардың ұқсастығы түрлі мәселеге деген көзқарастырының, сезімдерінің ұқсас болуы болып табылады. Осының нәтижесінде бірлесіп жұмыс жасау жоспары туындайды. Коммуникативті стиль. Қарым-қатынасқа түсу әдісі ретінде негізгі он коммуникативті стильді бөліп қарастырады: Доминантты немесе үстем (коммуникация барысында басқалардың рөлін төмендетуге бағытталған стратегия). Драматикалық (ақпараттың эмоциялық және асыра сілтеу сипатында болуы). Даулы (агрессивті және дәлелдеуші). Тыныштандыратын (әңгімелесушінің үрейін басу). Әсер етуші. Нақты (ақпараттың нақтылығына бағытталған). Ұқыпты (өзгелердің пікіріне қызығушылық таныту). Жігерлендіруші (көбінесе, вербальды емес қарым-қатынас құралдарын қолдану арқылы). Ынтымақтастық. Ашық (өз пікірін ашық жариялау). жүктеу/скачать 403,5 Kb. Достарыңызбен бөлісу:
|