Философтардың мыңжылдық ізденістеріне қарамастан философияның негізгі сұрағы не онтологиялық, не гносеологиялық жағынан нақты шешілген жоқ және “мәңгілік” (ешқашан нақты шешілмес) философиялық мәселе болып қалуда. Өйткені философияның негізгі сұрағына әрбір адам өздігінше дербес, өз бетінше жауап іздеіді және береді. ХХ ғасырдағы Батыс философиясында философияның дәстүрлі негізгі сұрағына – шешімі қиын болғандықтан және өзектілігі төмендей бастағандықтан – назарды мейілінше аз бөлу тенденциясы қалыптасты. Оның есесіне Ясперс, Хайдеггер, Камю т.б философияның негізгі сұрағына айналатын келесі мәселенің – экзистенциализмнің негізін қалады. Экзистенциализм қарастыратын сұрақтар шеңберіне; адам, оның тіршілігі, өз рухани дүниесін басқаруы, қоғам ішінде және қоғаммен арақатынасы, оның бостандығы, еркін таңдауы, өмір мәні, өмірдегі өз орны, бақыты, ізденістері мәселелері енеді.
