медициналық ақпарат-медициналық көмек көрсету процесінде туындайтын және медициналық құжаттар мен медициналық ақпараттық жүйелерде көрсетілген пациенттер мен аурулар туралы ақпарат, сондай-ақ денсаулық сақтау мәселелері жөніндегі ақпарат;
медициналық араласу-алдын алу, профилактика, диагностика, емдеу, оңалту, зерттеу мақсатында медицина қызметкері пациенттерге медициналық көмек көрсету кезінде орындайтын және денсаулығын қалпына келтіруге немесе жақсартуға бағытталған тікелей немесе жанама әсер ету және (немесе) өзге де манипуляция;
медициналық-әлеуметтік көмек-тізбесін уәкілетті орган айқындайтын әлеуметтік мәні бар аурулары бар адамдарға көрсетілетін медициналық және әлеуметтік-психологиялық көмек;
медициналық-әлеуметтік оңалту-жұмысқа тарту, отбасылық және қоғамдық өмірге енгізу үшін медициналық, әлеуметтік және кәсіптік-еңбек іс-шараларын пайдалана отырып, науқастар мен мүгедек адамдардың денсаулығын қалпына келтіру жөніндегі шаралар кешені;
