Хііі дәріс. Коммуникативті үрдіс, дағдылары туралы түсінік. Мейірбикенің кәсіби жұмысындағы коммуникативтік дағдылардың маңызы
ХІІІ - дәріс.
Коммуникативті үрдіс, дағдылары туралы түсінік. Мейірбикенің кәсіби жұмысындағы коммуникативтік дағдылардың маңызы.
Жоспар:
Коммуникативті процесстің негізгі элементтері.
Коммуникативті процесстің тиімділігіне әсер ететін факторлар.
Коммуникативті дағдылар ұғымына анықтама беру.
Медицина қызметкері жұмысындағы коммуникативтік дағдылардың маңыздылығы.
1.Бұл пәнді біз не үшін оқимыз? Бүкіл әлемдік медициналық білім федерациясының Эдинбург декларациясы (1988), «Әрбір науқастың дәрігер бойынан мұқият тыңдаушыны, тиянақты бақылаушыны, тиімді клиницисті және қарым-қатынаста сезімталдылығы жоғары адамды кездестіруге деген мүмкіндігі болуы керек»- деп анықтады.
Адам денсаулығының ақаулары, көбіне адамның өмір салтымен және оның жүріс-тұрысымен байланысты болуымен орай, дәрігерлер науқастың емдеу режимін дұрыс сақтауы үшін және оның мотивациясын өзгерту мақсатында, қарым-қатынас құраудың ерекше формасын ұстануы қажет.
2.Науқастармен жұмыс жасауда қазіргі заманғы медицина неліктен психологиялық және әлеуметтік мәселелерге көп көңіл бөлетін болған? Кейінгі 10 жылдықта медицина мамандары аурулардың көптеген этиологиялық факторлар негізінде пайда болатынын түсіне бастады: биологиялық, психологиялық және әлеуметтік факторлардың алуы мүмкін орны мен рөліне деген ерекше қызығушылық туа бастады.
Бұл жаңа көзқарас, практикалық медицинаның науқас мәселесіне кеңінен қарауына мүмкіндік береді: науқас тек зақымдалған немесе ауруға ұшыраған дене мүшені тасушы, оның иесі ғана емес, ол тұтас ағза, сондықтан оны тұтастай адам ретінде емдеу қажет. Қазіргі заманғы медицина психо-әлеуметтік жағдайды ескерусіз қалдырып, соматикалық сфераға көп көңіл бөледі, ал аурудың медициналық моделі, көбіне патологияның әлеуметтік себебін тысқары қалдырады.
Әлеуметтік-психологиялық бағыттың теориялық мазмұны заманауи медицинаның патоцентрикалық парадигмасының орнын басып келе жатқан, саноцентрикалық парадигмасына біршама сәйкес келеді. Медициналық білім беру бойынша Бүкіләлемдік федерацияның Эдинбург декларациясына сәйкес «ауру – бұл индивидуум мен әлеуметтік құрылым арасындағы қарым-қатынастың дұрыс дамуының салдары болып табылады».
