Идеал газдардың кинетикалық теориясы
жүктеу/скачать 5,05 Kb. Pdf көрінісі
|
- Бұл бет үшін навигация:
- 4. Микроскопиялық күй.
| 3. Тепе-тең күй. Сыртқы ортадан оқшауланған көлемдегі газдың
стационар макроскопиялық күйі тепе-тең күй болып табылады. Бұл кезде газдың макроскопиялық сипаттамалары болып табылатын қысымы, температурасы және көлемі уақыт бойынша өздерінің тұрақты мәндерін сақтап қалады. Қысым мен температура көлемнің барлық құрамдас бөліктерінде бірдей мәнге ие болуы керек. Жүйенің күйінің тепе-тең екендігін анықтағанда оның оқшауланған болуының маңызы зор. Егер жүйе оқшауланбаған болса, онда жүйе тепе-тең емес стационар күйде болады. Мысалы, газы бар ыдыстың әртүрлі бөліктері сыртқы жылу көздерінен әртүрлі тұрақты температураларда қыздырылып тұрса, онда жүйеде стационар күй орнауы мүмкін. Бірақ мұндай стационар күй тепе-тең күй болмайды. Себебі, ыдыстың бөліктеріндегі қысымдар бірдей болғанымен, температуралары әртүрлі. 4. Микроскопиялық күй. Газдың күйін толық сипаттау үшін оның барлық бөлшектерінің кеңістіктегі орындары мен жылдамдықтарын білу керек. Газ бөлшектерін i=1,2,…,N индекстерімен белгілейік, демек қарастырылатын көлемде N бөлшек болсын. Егер ыдыс көлемі болса, онда қалыпты жағдайда бөлшектер саны болады. Барлық бөлшектерінің кеңістіктегі орындарымен және жылдамдықтарымен сипатталатын газ күйі микроскопиялық деп аталады. Газдың микроскопиялық күйі 6N санымен сипатталады, демек, 3N барлық бөлшектердің координаттарымен және олардың 3N 32 жылдамдықтарының компонентерімен. Бұл шамалар кездейсоқ шамалар болып табылады. Жүйенің макроскопиялық күйі үш шамамен – қысым, температура және көлеммен сипатталады. Бұл параметрлер жүйенің стационар күйінде тұрақты болады. Алайда газ бөлшектері стационар күйде де үнемі қозғалыста болғандықтан, оның микроскопиялық күйі үздіксіз өзгеріп отырады. Осылай жүйенің бір макроскопиялық күйіне көптеген микроскопиялық күйлер сәйкес келеді. Басқаша айтқанда, берілген бір макроскопиялық күй көптеген микроскопиялық күйлер арқылы жүзеге асырылады. Статистикалық физиканың негізгі мәселесі жүйенің микроскопиялық күйлерімен макроскопиялық күйлерінің арасындағы байланысты зерттеу болып табылады. жүктеу/скачать 5,05 Kb. Достарыңызбен бөлісу:
|