Түбірлерді тарихи тұрғыдан қарау түркі тілдеріндегі алғашқы түбірлердің бір дыбыстан да, екі дыбыстан да, үш дыбыстан да тұратынын көрсетеді. Ал қазіргі тіліміздегі жеке мағынаға ие болып, өзінен көптеген сөздерді өрбітіп, түбірлік қызметін атқарып отырған, көбінесе, тарихи туынды түбірлер. Тілдің даму барысында олардың жігі білінбей кеткендігі сонша, оларды терең тарихи ізденіс нәтижесінде ғана түбір мен қосымшаға ажырата аламыз.
