Көптеген патогенді микроорганизмдер: алтын түстес стафило-
кокк, сальмонелла, ботулизм қоздырушылары суық етте тіршілікке
төзімді болып келеді.
Қазіргі кезде етті суыту жануарды сойғаннан кейін бірден
жүргізіледі. Өндірісте санитарлық-гигиеналық жағдай нашар
болған кезде, етті туннель типті мұздату құрылғыларында тез суыту
микроорганизмдердің көбеюінің алдын алады.
Салыстырмалы ылғалдылығы 85-90%, температурасы -1,5-0°С
суытылған етті сақтау мерзімі мынандай болып келеді: бұзау еті –
4-5 апта, қой еті – 10-15 апта, шошқа еті – 1-2 апта, сиыр еті – 3 апта.
Суытылған етті сақтау мерзімін ұзарту үшін қосымша əдістер пайда-
ланылады. Ол əдістерге ауаны көмірқышқыл газымен жиі ауыстыру,
ауаны азотпен түгелдей ауыттыру, еттің орауы жатады. Бұл əдістер
суыған еттің сақтау мерзімін 2-3 еседен 60-70 күнге дейін ұзартады.
Етті мұндай жағдайда сақтау кезінде психрофильді факультативті
анаэробты бактериялар тез дамиды.
Суыған еттің жоғарғы сапасын қамтамасыз ету үшін келесі
профилактикалық талаптарды орындау керек: бастапқы тұқымдалуы
төмен етті алу, құрылғыларды жəне тоңазытқыш камераларын
санитарлық өңдеуден өткізу, етті тез суыту, суыту камераларында
температура параметрлері мен ауа ылғалдылығын бірқалыпты ұстау.
