Әрқайсысы 20-30 г дәрілік заттың 4 сынамасын алады, заттық шыныға екі сынамадан салады, екінші заттық шынымен жабады және диаметрі шамамен 2 см дақтар пайда болғанша тығыз қысады. Алынған сынамаларды жалаңаш көзбен қараған кезде (көзден шамамен 30 см қашықтықта) барлық төрт сынамада көрінетін бөлшектер, бөгде қосындылар және егер жеке бапта басқа нұсқаулар болмаса, физикалық тұрақсыздық белгілері: бөлшектердің агрегациясы және коалесценциясы, коагуляция анықталмауы тиіс. Егер сынамалардың бірі сынақтан өтпесе, анықтауды қосымша тағы сегіз сынамада жүргізеді. Бұл ретте қосымша сегіз сынама сынаққа төтеп беруі тиіс.
Бөлшектердің мөлшері. Қатты немесе сұйық дисперсті фаза түріндегі компоненттері бар жұмсақ дәрілік заттарда, егер биожетімділігі, емдік тиімділігі және зиянсыздығы оған байланысты болса немесе осы көрсеткіш дәрілік затты тағайындаумен регламенттелсе, бөлшектердің мөлшерін бақылайды. Бөлшектердің мөлшеріне қойылатын талаптар, анықтау әдістері және бағалау критерийлері жеке мақалада келтірілген. Жұмсақ препараттардағы бөлшектердің мөлшері микроскопия әдісімен анықталады.
Контейнердің герметикалығы. Стерильді және қажет болған жағдайда стерильді емес жұмсақ дәрілік заттар үшін 2-қосымшада жазылған әдістемеге сәйкес контейнердің герметикалығын анықтау жүргізіледі.
Контейнердің герметикалығын анықтау әдістемесі
Препараттың 10 түтігі таңдалады және олардың сыртқы беттерін сүзгі қағазымен Мұқият сүртеді. Түтіктер сүзгі қағаз парағына көлденең орналастырылады және термостатта (60 + 3)°C температурада 8 сағат ұсталады. Сүзгі қағазында түтіктің бірде-біреуі ағып кетпеуі керек. Егер тек бір түтіктен ағып кетулер байқалса, сынақ қосымша тағы 20 түтікпен жүргізіледі. Егер бір түтіктен артық аққан жерлер байқалса, сынақ нәтижелері қанағаттанарлықсыз болып саналады. Егер алғашқы 10 түтіктің ағулары байқалмаса немесе 30 түтіктің біреуі үшін ғана ақаулар байқалса, сынақ нәтижелері қанағаттанарлық деп есептеледі
