Білім сапасы – адам өз білімін әр түрлі қызмет түрлерінде көп аспектілі талдауды меңгеру және қолдану нәтижесін айқындайтын, білім мазмұны мен меңгеру деңгейлерінің ара қатынасын анықтайтын көрсеткіш
Қазақ педагогикалық энциклопедия сөздігі. – Алматы: Республикалық баспа кабинеті, 1995. – 185 б.
2
Білім сапасы – тұлғаның, қоғамның, мемлекеттің, әлеуметтік топтардың білімі, ептілігі, дағдылардың мазмұнына, көлеміне тұрақты және дамудағы тұтынушылықтарын қанағаттандыратын қабілеттілікті сипаттайтын көрсеткіштер жиынтығы
Білім сапасын бағалаудың ұлттық жүйесі туралы Ереже, Алматы, 2004.
3
Білім сапасы – қоғамның экономикалық дамуына сәйкес жеке тұлғаның әлеуметтік, рухани сұраныстарын қанағаттандыратын, қоғамдағы білім беру үдерісінің жай-күйін және нәтижесін анықтайтын әлеуметтік ұғым
Шишов С.Е., Кальней В.А. Мониторинг качества образования в школе. – М.: Педагогическое общество России, 1999. – 320 с.
4
Білім сапасы – өндірілетін өнімнің сапасы, өндірілетін өнімнің тұтыну қасиеттерінің жиынтығы, жеке тұлғаның даму әлеуетін анықтайтын оқушы білімінің сапалық көрсеткіші
Поташник М.М. Управление качеством образования. – М.: Педагогическое общество России, 2006. – 448 с.
5
Білім сапасы – алға қойылған мақсат пен міндеттерге қол жетізу дәрежесі, білім беру мекемесі ұсынған оқыту қызметі барысындағы педагогикалық үдеріске қатысушылардың бала тәрбиесі мен дамуы бойынша күткен нәтижелеріне қанағаттану дәрежесі
Мониторинг достижений в обучении. - Алматы, 1999.
Білім беру сапасы – білім беру үдерісінің жай-күйі мен нәтижесін көрсететін әлеуметтік категория, жеке тұлғаның азаматтық тұрмыстық және кәсіби құзіреттілігін дамыту мен қалыптастыру ішкі (қызметкер) және сыртқы (жеке тұлға, қоғам мен мемлекет) тұтынушылардың сұранысы мен талап – тілектерінің сәйкестік дәрежесімен сипатталады
Тұтынушы – өнімді қабылдайтын ұйым немесе жеке тұлға. Ұйымға қатысты тұтынушы ішкі және сыртқы болып бөлінеді.
Тұтынушы болып табылатындар:
оқушы (білімгер);
ата-ана немесе жұмыс беруші;
компания, мекеме, ұйым, өндіріс орындары және т.б.;
ішкі тұтынушы (білім беру мен оқу орындарының ішкі бөлімшелері немесе жеке тұлғалар);
мемлекеттік басқару органдары;
қоғамдық ұйымдар, бірлестіктер.
Жеткізуші – дайын өнімді жеткізуші жеке тұлға немесе ұйым (мекеме).
Жеткізуші де ұйымға қатысты ішкі және сыртқы болуы мүмкін. ЖОО-ның жеткізушісі мектеп, лицей, колледждер болып табылады.
