4. Санның шаршы бұлшық еті (m. quadratus femoris) шонданай сүйек
денесінің төменгі бетінен басталып, ортан жіліктің ұршық шұңқырында
аяқталады.
Қызметі. Санның шаршы бұлшық еті жамбас-ортан жілік буынын
жазады жəне буынның алдыңғы бетін сыртқа қарай бұрып, супинатор
бұлшық етінің қызметін атқарады.
Флексорлар: 1. Үлкен бел бұлшық еті (m. psoas major) соңғы көкірек
жəне алдыңғы бел омыртқалардың денелерінен басталып, ортан жіліктің кіші
ұршығында аяқталады.
2. Мықын бұлшық еті (m. iliacus) мықын жəне құйымшық сүйектері
қанаттарынан басталып, ортан жіліктің кіші ұршығында аяқталады. Үлкен
бел жəне мықын бұлшық еттері ортан жіліктің кіші ұршығында
аяқталатындықтан, оларды біріктіріп, мықын-бел бұлшық еті (m. iliopsoas)
— деп те атайды.
Қызметі. Мықын-бел бұлшық еті жамбас-ортан жілік буынын бүгеді
жəне сыртқа қарай бұрады.
3. Санның жалпақ шандырын кергіш бұлшық ет(m. tensor fasciae
latae) санның алдыңғы бетін ала сербек, жамбас-ортан жілік жəне тобық
буындары аралығындағы үшбұрышты кеңістікте орналасады. Оның сіңірлі
басы сербектен жəне ортаңғы бөксе бұлшық етінен басталады. Бұлшық ет
құрсағы желпуіш тəрізді каудо-вентральды бағытта тарамдалады да, оның
сіңірлі құйрығы санның жалпақ шандырымен бірігіп кетеді. Санның жалпақ
шандырын кергіш бұлшық ет тобық сүйек пен асықты жіліктің қырында
аяқталады. Еттің каудальды бөлігі беткей бөксе бұлшық етімен бірігіп кетеді.
Ерекшеліктері. Жылқыда, сиырда, ұсақ малдарда жəне шошқада санның жалпақ шандырын кергіш бұлшық еттің каудальды жиегі беткей
бөксе бұлшық етімен бірігіп кетеді, ал итте ол краниальды бағытта тігінші
бұлшық етімен шектеледі.
Қызметі. Санның жалпақ шандырын кергіш бұлшық ет жамбас ортан
жілік буынын бүгеді жəне тобық буынын жазуға қатысады.
