АҚТАЙЛАҚ – ж.а., Жамбыл а.о. Ақтайлақ оқиғасына қатысты
қойылған атау немесе кісі атына қатысты қойылған атау болуы мүмкін
[120].
АҚТАС – ж.а., Катонкарағай а.о. Бұл жердегі ат қоюға негізгі белгі
ретінде тастың ақшыл болып көрінетін түсі алынған. М.: Күбіркеден өрлегенде Ақтас орналасқан[132].
АҚТАС –ж.а., Өрел а.о. Жергілікті тұрғындарының айтуы бойынша
тасты, тастақтау жер. Тасының түрі ақшыл болып келетіндіктен сол
жердің атауы болып қалыптасқан. М.: Жалқарағайдан кейін тұр. Тастары үлкен. Ақшылтым, ақ болып келеді[100].
АҚТАСТЫ – жайлау, Белқарағай а.о. Бұл өлке таулы жер
болғандықтан тасты да болады, ақшыл түсті тасы көп деген мағынада
тұр[135]. М.1: Ақтасты – ел қонысы Шабанбайдың аты[35,43б.]. М.2: Кезінде бұл өңір әр атаның қысқы қонысы ғана болған. Қыс тебіні, жаз жайлауы Алтайдың күнгей бетіндегі Құзғынды мен Жайдақ, Бұқтырма мен Қатынсудың арасындағы Ақтасты мен Шабанбай еді[170,104б.].
АҚТАУ –тау, Солоновка а.о. Таудың басында қысы-жазы қар
жатса, болмаса тау жынысы құрамында әк болса,
Ақтау деген ат
қойылады[123]. М.: Барған сайын өзгеріп бара жатқан ауа райы, аң- құстың азаюы, Ақшоқыдан ағатын сел, жердің сілкінуі; Ақтаудың теріскейіндегі жүз жылдық ағаштың бір-ақ жылда қурап қалуы; қайта-қайта бықси беретін өрт, күн сайын трактормен сүйрелеп әкетіп жатқан қарағай... Соңғы кезде ала жаздай жаңбыр жаумайтын болды[18,86 б.].
АҚТОМАР – ж.а., Катонқарағай а.о. Жерге атау қою кезінде белгі
ретінде томар алынған. Түп-түп боп, үсті-үстіне шөп өскен, шалшықты,
қопалы, тайыз шалшықты көлшікті жерді томарлы жер дейді[56, 251б.]
М.: Үлкен Даладан кейінгі жер[132].
АҚТОМАР - жазық жер. Томарлы, сазды жер. М.: Бергі жон[99].
