Клаус Шваб Төртінші индустриялық революция
жүктеу/скачать 4,97 Mb. Pdf көрінісі
|
Төртінші индустриялық революция (Клаус Шваб)
| Контекстуалды
интеллект – ақыл Мықты көшбасшылар контекстуалды интеллектінің алдында тұрған міндеттерді жақсы түсінеді жəне ішкі дағдыларын соған сəйкес дамытуға тырысады. Бұл сөздің түп-төркіні – төніп келе жатқан трендті алдын ала болжау қабілеттігі, əрі оған қарсы тұра білу жəне «нүктелерді шоғырландыру» дегенді аңғартады. Осы қасиет қаншама ұрпақтан бері басшылық үшін Қажетті құрал ретінде қызмет етсе, төртінші индустриялық революция қарсаңында жаңа жағдайға бейімделудің жəне өзіңді-өзің сақтап қалудың бірден-бір амалына айналады . Контекстуалды интеллектіні дамытуға бел байлаған адам, алдымен, əртүрлі қауымдастықтардың өзіндік құндылықтарын жете түсініп алуы қажет . Бұған дейін дəстүрлі түрде араларын шекара сызықтары бөліп келген қауымдастықтар енді бір ортақ мүддеге бірігіп, бір-бірімен тығыз қарымқатынас орнатқанда ғана өздерінен əлдеқайда əлеуетті қауіп -қатерлерге төтеп бере алады. Бұл жөнінде шешім қабылдайтын адам осы іске мүдделі жақтың бəрімен бірлесе жұмыс істеуге дайын əрі соған қабілетті болуы шарт. Сөйтіп, біз оларды өз санатымызға көбірек қосып алуға, өзіміз де оларға қосыла кетуге бейімділік танытуымыз керек . Тек бизнес көшбасшыларымен, мемлекет, азаматтық қоғам, дін өкілдерімен , ғылым жəне жас буынмен ықпалдаса, əрі бірлесе жұмыс жасағанда ғана өтіп жатқан құбылыстар жөнінде толыққанды мағлұмат алуға қолымыз жетеді. Сонымен қатар түбегейлі өзгерістерге əкелетін кешенді идеялар мен шешімдерді електен өткізіп, жүзеге асырудың да маңызы зор. Көптеген мүдделі жақтардың теориясы (Бүкілəлемдік экономикалық қауымдастық форумында, көбінесе «Давос рухымен» деп аталып жүр) қамтылған бұл ұстанымды мен 1971 жылы жарық көрген кітабымда алғаш рет ұсынғанмын. Сектор мен кəсіптің арасындағы шекара өткінші болып келеді, бұл көп жағдайда теріс нəтижеге əкеп соқтырады . Баяғы өткендегілер өз алдына, қазір бұл кедергілерді алып тастап , тиімді серіктестік байланыстарды жандандыру – бəрінен де маңызды іс. Мұны жасамаған, сөзден іске көшпеген, яғни əртүрлі құрамда командалар жасақтамаған компаниялар мен мекемелерге цифрлық заманның мың құбылып тұрған мына əрекетіне бейімделу өте қиынға түседі . Көшбасшылар өздерінің ұйымдастырушылық ұстанымдарын, сондайақ бұған дейін табан тіреп келген негізгі қағидаттары мен дағдылы əдеттерін өзгертуге дайын екендігін көпшілікке көрсетуі тиіс. Бүгінде ауыздыққа бас бермес құбылыстар дүниені əлем тапырық қылып жатқанда , томаға-тұйық сана мен ескі көзқарастар шеңберінде қалу – болашағыңның тамырына балта шабумен бірдей. Сондықтан философ Исай Берлиннің 1953 жылы жазушылар мен ойшылдарға арнап жазған эсселеріндегі екіге бөліну (дихотомия) тұжырымына сəйкес, тікірейген кірпі болғанша, бұлаңдаған түлкі болған артық. Қазіргідей күрделі де аумалы -төкпелі жағдайда жұмыс жасау үшін, көз алдындағысынан басқаны көрмейтін ебедейсіз кірпінің емес, түлкінің икемділігі мен айлакерлігінен үйренгеніміз дұрыс. Бұл дегеніңіз, көшбасшылар əрқайсысы өз-өзімен өмір сүрмей, бір-бірімен жиі тəжірибе алмасып тұруы қажет екендігін білдіреді. Белгілі бір проблеманы, Қиын түйінді мəселелерді шешуге келгенде, олар жұдырықтай жұмылған, епті де бейімделгіш , əртүрлі мүдделер мен көзқарастарды бір арнаға тоғыстыра алатындай болуы керек. жүктеу/скачать 4,97 Mb. Достарыңызбен бөлісу:
|