Клаус Шваб Төртінші индустриялық революция
жүктеу/скачать 4,97 Mb. Pdf көрінісі
|
Төртінші индустриялық революция (Клаус Шваб)
| Рухтастық
сана – жан Төртінші индустриялық революция кезінде контекстуалды жəне эмоционалды интеллектіден басқа, табысқа жол ашатын үшінші бір маңызды қасиет бар. Оны мен рухтастық сана деп атаймын. Рухтастық сана (ағылш. inspire, лат. Spirare, яғни рухтандыру) – əр нəрсенің мағынасы мен қажеттілігін ашуға бағытталған. Ол өмірді танып-білу тұрғысында – адамзатты жаңа ұжымдық əрі өнегелі ой-санаға жетелейтін сарқылмас шығармашылықты арқау етеді. Бұл жердегі басты идея – «ортақ пайдалану». Бұған дейін айтқанымдай, томаға -тұйықтыққа тірейтін қоғамға аяқ басуымыздың басты себебі технологияда жатыр десек, онда ортақ мақсат жолындағы игіліктер мен мүмкіндіктерді бір арнаға тоғыстыра отырып, барлық күш-жігерді қоғамдағы тұрақтылықтың сақталуына қарай бұруымыз керек. Бұған қол жеткізу үшін, ең алдымен, бір-бірімізге деген сенім өте қажет . Командалық жұмыс пен қызығушылықты арттыруда жоғары сенімділіктің маңызы зор. Ынтымақтастықтың арқасында жүрегіміздің түкпірінен орын алған инновацияның əсері – төртінші индустриялық революция кезеңінде анық байқалатын болады. Бұл жағдайлар əртүрлі, əрі көп қырлы проблемалардан тұратындықтан, тек берік сенімділік орнаған ортада ғана жүзеге асады. Айналып келгенде, мүдделі жақтардың əрқайсысына инновацияны ортақ игіліктерге қарай бұру міндеті жүктеледі. Егер өзіндік салмағы бар мүдделі жақтардың бірі бұған күмəнмен қараса, сенімге селкеу түседі. Əлемде тұрақты ештеңе қалмаған кезде, сенім ғана ең маңызды құндылық болып қала береді. Шешім қабылдаушылар өз қара бастарының қамын ғана ойламай, өздерін де сол қауымдастықтың табиғи бөлшегі екендігін түсініп, бəріне ортақ мүдде тұрғысынан қарағанда ғана – үлкен сенім үдесінен шығуға мүмкіндік туады. жүктеу/скачать 4,97 Mb. Достарыңызбен бөлісу:
|