Лекция 1 Кіріспе. Жоспар
Қосымша орындалатын акробатикалық жаттығулар
жүктеу/скачать 0,6 Mb.
|
| 2. Қосымша орындалатын акробатикалық жаттығулар
Қолды жерге тірей жүреден отырудан алға қарай домалап түсу. Осы тәсілмен, тек аяқты айқастырып отыру қалпынан алға қарай домалап түсу. Е кі, үш және одан да көп домалап түсуді орындау және секіру, қарғу, түрліше бұрылу тәсілдерін орындап үйрену. Волейбол, баскетбол добын құшақтай ұстап немесе таяқты қолмен тізе тұсына горизонталь ұстап, алға қарай қолды тіремей домалап түсу. Қолды жерге тіреп және тіремей отыру қалпынан артқа қарай домалап түсу (тоңқалаң асу). Қолды жерге тірей төрт тағандап тұрып, оңға және солға қарай аунап түсу. Осы тәсілмен, тек қолды жерге тірей жүрелеп отырған қалыптан аунап түсу. Шынтақты жерге тіреп жауырынға тұру. Жүрелеп отырған қалыптан артқа аунап түсіп, арқамен жату. Сонан соң аяқты созып, жоғары көтеру. Шынтақты төсенішке, қолды белге тіреп, денені тік ұстау. Статикалық қалыптарды - көпір жасау, баспен тұру, шатқа (шпагатқа) жартылай және толық отыруды үйрену оқушылардың бір-біріне көмек беруі арқылы іске асады. Бұл тәсілдерді жақсы меңгергеннен кейін ғана оларды әркім өз беттерінше орындауларына болады. К өпір жасап тұру үшін екі аяқты алшақ қойып, жамбасты ілгері жіберіп шалқайғанда, бас пен екі қолды артқа қарай қатар иіп, қолды жерге тіреу керек. Көпір жасап тұруды біртіндеп үйренген жөн. Мысалы, гимнастикалық қабырғаға арқаны қаратып, одан жарты қадамдай қашық тұрып, қолды жоғарыдан артқа қарай доға жасап иіле отырып, шабақтан ұстау керек. Сонан соң екі қолды кезекпен төменгі шабақтарға түсіре жылжытып, еденге тіреу қажет. Бұдан соң төмен түскен тәсілмен қайтадан жоғары қарай жылжып, бастапқы қалыпқа келу керек. Егер гимнастикалық қабырға болмаса, көпір жасап тұруды екінші оқушының көмегіне сүйеніп үйренуге болады. Ал қолға және басқа тұруды тізерлеп отырып, бір аяқты сермей, екінші аяқпен денені итере серпи көтеру арқылы бірте-бірте үйренуге болады. Алғашқы кезде бұған міндетті түрде екінші адамның көмегі қажет. Акробатикалық жаттығуларда тепе-теңдікті сақтау үшін бір аяққа тұруды (қол жанда болған жағдайда) немесе «қарлығаш жасауды» үйренген жөн. Ол үшін белді қайқайтып, басты артқа шалқайта бір аяқты артқа түзу созып, денені жерге параллель қалыпқа келтіру керек. Ал екі қолды алақанды төмен қарата екі жанға ұстау қажет. Осы қалыпта тепе-теңдікті кемінде 3 секунд ұстап тұру міндетті болып есептеледі. Қ арлығаш қалпына келу үшін гимнастикалық қабырға, бөрене және т. б. жабдықтар пайдаланылады. Акробатика спорттың бір түрі болып табылады, бірақ ол гимнастикалық жаттығулар мазмұнына міндетті түрде енеді. Тепе-теңдік, жүгіру, секіру жаттығуларынан тұратын акробатикалық жаттығулар күшті, жылдамдықты, ептілікті және батылдықты дамытуда үлкен мән-маңызға ие. Акробатикалық жаттығулардың тарихы «акробатика» термині пайда болғаннан әріде жатыр. Акробатикалық жаттығулар біздің дәуірімізге дейінгі 3 – ғасырда болған: 1 – қолда тұру; 2 – жұптасып орындалатын артқа аударылу; 3 – сырықта тепе-теңдікті сақтай білу. жүктеу/скачать 0,6 Mb. Достарыңызбен бөлісу:
|