бир томонлама ўзаро ҳамкорлик - электрон шаклдаги ҳужжатларнинг ҳар хил формулярларидан фойдаланиш имкониятини бериш;
икки томонлама ахборот айирбошлаш - сўров бўйича қабул қилиш, таҳлил (кўриб чиқиш) ва жавоб юборишни ўз ичига оладиган идора хизматлари (буюртманомалар ва мурожаатларни тақдим этиш, уларни қайта ишлаш натижаларини тақдим этиш ва/ёки бериш);
электрон шаклдаги маълумотлар тўлиқ айирбошланишини амалга ошириш, шу жумладан хизматлар кўрсатиш ва уларга ҳақ тўлаш шаклида кўрсатилиши мумкин.
1.11.Ҳужжат ва унинг турлари
Ҳужжат - матн, товуш ёки тасвир шаклида ахборот ёзилган, замон ва маконда узатиш ҳамда сақлаш ва жамоат томонидан фойдаланиш учун мўлжалланган моддий объект.
Ҳужжат турлари – ҳужжатлар ўз шаклига кўра қуйидаги турларга ажратиш мумкин:
Матнли ҳужжатлар.
Товушли ҳужжатлар.
Тасвирли ҳужжатлар.
1.12.Ахборот-коммуникация технологияларининг ривожланишидаги асосий босқичлар. Электрон ҳужжат
Ахборот коммуникация воситалари ва технологиялари ёрдамида инсон учун қулай шаклда сақланадиган, узатиладиган ва тақдим этиладиган ва уни таниб олишга имкон берадиган реквизитларга эга электрон воситалардаги ахборот - бу электрон ҳужжатдир.
Электрон ҳужжат техника воситаларидан ва ахборот коммуникация тизимлари хизматларидан ҳамда ахборот технологияларидан фойдаланилган ҳолда ҳосил қилинади, ишлов берилади ва сақланади.
Электрон ҳужжатнинг реквизитлари қуйидагилардан иборат:
Электрон рақамли имзо;
Жўнатувчи юридик шахснинг номи ёки жўнатувчи жисмоний шахснинг фамилияси, исми ва отасининг исми;
Жўнатувчининг почта ва электрон манзили;
Ҳужжат яратилган сана.
Достарыңызбен бөлісу: |
