- баланың зияткерлік және тұлғалық дамуын қамтамасыз ету;
- Отанға, туған жерге деген сүйіспеншілігін, мемлекет рәміздеріне
құрметпен қарауға, қоршаған әлемге ізгілікпен қарауға, өзге ұлт өкілдерін
сыйлауға тәрбиелеу.
Мектепалды даярлық топтары (сыныптары) бар білім беру ұйымдары
мектеп жасына дейінгі балалардың әлеуметтік құқықтары мен мүдделерін
қорғайды.
Мектепалды даярлық сыныбын ашу үшін:
- ата-аналардың (заңды өкілдерінің) өтініші қабылданады;
- оқушылар тізімі жасалады;
- күн тәртібі және сабақ кестесі құрылады.
Білім беру ұйымының әкімшілігі балаларды мектепалды даярлық
сыныбына (топтарына) қабылдау кезінде ата-аналарды білім беру ұйымының
жарғысымен таныстырады.
Балалар дамуында бұзылулары бар (мүмкіндігі шектеулі) мектепалды
даярлық сыныбы үшін түзету және оңалту жағдайлары болған кезде,
психологиялық-медициналық-педагогикалық комиссия негізінде қабылданады.
5
Балаларды мектепалды даярлық сыныбының саны мен толымдылығы
әкімшілікпен анықталады.
Сыныпты (топты) жинақтау кезінде балаларды конкурстық іріктеуге және
тестілеуге жол берілмейді.
