4-параграф. 2 - жартыжылдық 71. Қатынас: 1) екі құрамдас тапсырмаларды орындау (бұйрық райда етістіктерді енгізе отырып); 2) ауызша, ауызша-дактилді, жазбаша сөйлеу түрлерін түрлі коммуникативтік қажеттілік үшін қолдану (сұрақтар, түрткі салу, хабарлама, теріске шығару); 3) бір-біріне тапсырма беру; 4) өзі туралы әңгімелеу; 5) сұрақ қою біліктілігі; 6) ойын жағдайын "сөйлету" білігі және осы негізде сөйлеу тілінің коммуникативтік қызметін дамыту. 72. Қабылдау /сөйлеу тілін түсіну: 1) мазмұны бойынша қысқа әңгімелерді, өлеңдерді қабылдау; 2) жекеше және көпше түрдегі сөздердің мағынасын түсіну; 3) мазмұны бойынша қысқа әңгімелерді, өлеңдерді түсіну; 4) заттардың тәуелді тиістілігіне байланысты түсіну; 5) кішірейту, еркелету сөздерінің мәнін түсіну; 6) жеке-жеке сөздерге бөлмей толық сөйлемшелерді түсіну; 7) кеңістіктік қатынастарды білдіретін үстеу және септеуліктерді түсіну; 8) жекеше және көпше түрдегі зат есімдерді ажырату; 9) өз бетінше оқиғалар, жаңалықтар туралы хабарлау; 10) 3-4 сөйлемшеден тұратын байланыстырып әңгімелеуді естіп-көріп қабылдау (суреттерге сүйеніп, сөздерді таңдау бойынша дактилдеу); 11) шығарма кейіпкелерімен бірге әсерлену, олардың әрекеттеріне қатынасын білдіру; 12) заттарды сипаттау бойынша тану (2-4 сөйлем). 73. Айтылым: 1) зат есімнің көпше түрін қолдану; 2) сөзжасамның кейбір тәсілдерін қолдану; 3) енжар сөздік қорынан заттың атын, іс әрекетін, құрамын, сапасын, санын, есімін, орнын білдіретін жаңа сөздерді қолдану; 4) сөйлемнің әртүрлі типтерін қолдану; 5) тілдік жаттығуларды, дидактикалық ойындарды өткізу барысында тілдік қатынаста өз қалауын білдіру үшін (сұрақтар, түрткі салу, хабарлама, келіспеу) ауызша, ауызша-дактилді, жазбаша сөйлеу тілін қолдану; 6) заттардың атын атау және олардың бейнесін сипаттау, кестемен сәйкестендіру; 7) сюжетті суреттерді 2-3 сөз тізбегімен сипаттау; 8) сұрақтарға 2-3 сөзден тұратын сөз тізбегімен жауап беру; 9) тәжірибеде сөзді өзгерту, сөзжасам, сөйлем құрау үлгілерімен танысу; 10) заттарды, суреттерді толық сипаттау; 11) өз бетімен сұрақ қою; 12) белгілі тақырыпта әңгімелесу барысында қолдау білігі (2-3 тақырыпқа байланысты сұрақтар); 13) зат есім мен етістікті, зат есім мен сын есімді жалғау арқылы тіркестендіру; 14) сұраулы сөйлемдерді әңгімелесу барысында қолдану; 15) сыпайы сөздерді қолдану; 16) сөйлемнің құрылымына мән бермей 1, 2, 3 жақтағы зат есімдерді атау септігінен басқа септіктерде қолдану. 74. Оқылым / жазылым: 1) кітаптан таныс сөздерді, фразаларды талдап оқу; 2) ересектердің өлең, әңгіме оқығанына, ертегі айтқанына, кітаптан көрсеткеніне қызығушылық таныту; 3) ата-анасының, балалардың аты жөнін баспа әріптермен жазу; 4) бір тақырыптық топтамадан заттардың атын жазу. (5-6 сөз); 5) өзі туралы мәліметтерді баспа әріптермен жазу (жасы, тегі, аты, мекен-жайы); 6) ілеспе суреттерге қарап сөйлемдерді (3-4 сөйлем) іріктеу (кестенің көмегімен); 7) қима әріптерден балалардың аттарын құрастырып жазу; 8) үйде, серуенде, топтағы жағдаяттарға байланысты қысқа әңгімелер құрастыру (3-4 сөйлем); 9) тікелей буындарды дауысты әріпке бағыттап түрлі түсті фишкалардан, әріптерден тізбектеп біріктіріп оқу; 10) қысқа әңгіме оқу (танып оқу); 11) кітаптан мәтін оқу, оқыған мәтінді драмалау, суреттерді таңдау (мәтін мөлшері 3-4 сөйлем). 75. Күтілетін нәтижелер: 1) екі құрамдас тапсырмаларды орындайды; 2) өз бетімен сұрақ қояды; 3) ересектердің оқығанын тыңдайды, кітапқа қызығушылық танытады; 4) зат есімнің көпше түрін сын есіммен қиыстырып қолданады; 5) сөйлеу түрлерін түрлі коммуникативтік қажеттілік үшін қолданады; 6) сюжетті суреттерді 2-3 сөз тізбегімен сипаттайды; 7) сұрақтарға 2-3 сөзден тұратын сөз тізбегімен жауап береді; 8) тапсырманы үшінші жаққа жеткізеді; 9) 3-4 ілеспе суреттерге сөйлемшелерді таңдайды (кесте); 10) берілген тақырыптағы әңгімені сұрақ-жауап түрінде жалғастырады; 11) қысқа өлең, әңгімелерде не туралы айтылатынын түсінеді; 12) өзі туралы әңгімелейді; 13) мәтінге қатысты суреттер таңдайды, өзі салады; 14) өз бетінше жағдайды, жаңалықтарды ақпараттандырады, хабарлайды; 15) қима әріптерден балалардың аты-жөнін, тегін, өзінің мекен-жайын, таныс заттардың аттарын құрастырып жазады; 16) шығарма кейіпкелерімен бірге әсерленеді, олардың әрекеттеріне қатынасын білдіреді; 17) үйде, серуенде, топтағы жағдаяттарға байланысты қысқа әңгімелер құрастырады (3-4 сөйлем); 18) заттарды сипаттау бойынша таниды (2-4 сөйлем); 19) өз бетінше оқиға желісін суреттейді, оқығаны бойынша сахыналық қойылымдарға қатысады; 20) қысқа әңгіме оқиды (аналитикалық оқу).