САЛЫҚ ДЕГЕНІМІЗ- мемлекеттік бюджетке адамдардың, кәсіпорындардың және мекемелердің міндетті түрде аударатын төлемі.
САЛЫҚ САЛУДЫҢ НОРМАСЫ- салық ставкасы объектінің бір өлшеміне салынған мөлшері.
НЕСИЕ ЖҮЙЕСІ ДЕГЕНІМІЗ -мерзімділік, төлемділік және қайтарымдылық шарттарында ақша қаражаттарын қалыптастыратын, айналысқа түсіретін, ұсынатын ақша несие бөлімшелерінің жиынтығы.
НЕСИЕ ДЕГЕНІМІЗ- белгіленген мерзімге процентін қосып қайтару шартымен ақшалай қаржы беру. Әдетте несие төлем мерзімін ұзарту түрінде немесе заемшының қарыздық міндеттемесін сатып алуға берілуі мүмкін.
ССУДАЛЫҚ КАПИТАЛ ДЕГЕНІМІЗ- процент түрінде ақыға қайтарымдылық шартында меншік иесінің ссудаға беретін ақшалай түрдегі капиталы.
ӘЛЕУМЕТТІК САЯСАТ ДЕГЕНІМІЗ - жеке индивидтердің өмір сүруі үшін ыңғайлы шарттармен қамтамасыз етуде мемлекеттің жүргізетін іс-әрекеті.
ТАБЫС ДЕГЕНІМІЗ - жеке қажеттілікті қанағаттандыратын игіліктер мен қызметтерді алу үшін тағайындалған және белгілі уақыт ішінде алынатын ақша қаражаттарының жиынтығы.
НОМИНАЛДЫ ТАБЫС- жұмысшылардың атқарған қызметтері және жұмыстары үшін қолына алған ақша сомасы.
НАҚТЫ ТАБЫС- халықтың нақты тұтынатын игіліктерінің құны.
ХАЛЫҚАРАЛЫҚ САУДА - әртүрлі елдердегі тауар өндірушілер арасындағы байланыс формасы болып табылады, яғни ол халықаралық еңбек бөлінісі негізінде қалыптасады және елдердің өзара тәуелділігін көрсетеді.
ҰЛТТЫҚ НАРЫҚ – бұл халықаралық еңбек бөлінісі негізінде елдің ішкі және сыртқы сауда операцияларын жүзеге асыратын сфера.
СЫРТҚЫ САУДА ДЕГЕНІМІЗ- белгілі бір елдің басқа елдермен сауда жасауы.
ЭКОНОМИКАЛЫҚ ӨСУ ДЕГЕНІМІЗ- белгілі бір мерзімде елдегі шығарылатын тауарлар мен қызметтер көлемінің өзгеруі.
ЭКСТЕНСИВТІ ӨСУ- ұлтттық өнімді қосымша өндірістік факторларды тарту есебінен жоғарлату.
ИНТЕНСИВТІ ӨСУ- ҒТП есебінен, яғни жетілген өндіріс факторлары мен технологияны қолдану арқылы ұлттық өнім көлемін өсіру.
