БАҚЫРҒАНИ Сүлеймен Хакім ата, Сүлеймен ата, Бақырғани ата, Хакім Сүлеймен (12 ғ-дың
2-жартысында өмір сүрген. Арал теңізіне таяу, Қарақалпақ жеріндегі Қоңырат қ-ның маңында
туған) - қыпшақ дәуіріндегі ақын, ғалым. Оның әдебиетте жиі кездесетін аттары: Хаким ата,
Сүлеймен ата, Бақырғани ата, Хаким Сүлеймен. Б. Қожа Ахмет Иасауидің шәкірті болған.
Түркістан, Сайрам, Үргеніш қалаларында білім алған. Аңыз бойынша Б-дың күмбезі 40 жыл бойы
су астында қалған. Шығысты зерттеуші К.Г. Зельман ол аңыздың шығуына 1221 жылғы моңғолдар
шапқыншылығы әсер еткен дейді. Б-дың негізгі шығармасы - қыпшақ тілінде жазылған
"Бақыргани кітабы" өлеңдер жинағы. Ол жинақта Сырдария бойы мен Қаратаудағы рулардың
тарихынан мәліметтер берілген. Кітап 1846 жылдан бастап Қазан қ-нда бірнеше рет басылып
шықты. Б-дың "Хаким ата", "Хазрет Мариям", "Ақыр заман" атты кітаптары да бар. Соңғы екі
кітаптың мазмұнында дін, сопылық, мінажат сарыны басым келеді. Б-дың еңбектерінде өз
заманындағы тарихи оқиғаларды, әдеби ғұрыпты баяндайтын көп мәліметтер бар. қ. "Бақырғани кітабы".
