БІРЫҢҒАЙ ҰЙҚАС (монорим. французшадан - monorime) - өлеңді түгелдей бір ұйқасқа
құру, немесе, ұйқасты көптеген тармақтарда өзгертпей, сақтап отыру. Қазақ поэзиясында Б.
ұ-тың өзіндік өзгешелігі, дәстүрі бар. Бұл тәсіл жырда үнемі қолданылатын бір ұйқасты (желілі
ұйқас) айнытпай ұзақ сақтау үлгісімен жалғас келеді. Ал өзгешелігі - ұйқас тармақтардың
ара-арасында ұйқассыз тармақтар қалып отырады. Және бір ұйқас көптеген тармақтарда
қайталанады да ұйқасатын сөздерде ешбір жасандылық болмай, әдейілеп тізіп үйлестіргендей
көрінбей, ұйқас сөздер мейлінше еркін алынып, өзінің табиғи келісімімен үндесіп жатады.
Бастан-аяқ бір ұйқасты шеберлікпен келісті қолданудың үлгісін Абайдың "Ішім өлген, сыртым
сау" атты өлеңінде көреміз.
ВАККЕР Нелли Рейнгольдовна (20.10.1919 ж.т., Украинадағы Қырым обл. Симферополь ауд.)
-ақын, жазушы. Украинаның Энгельс мұғалімдер ин-тын (1939). Омск қ-ндағы пед. ин-тты
(1965) бітірген. Мектептерде, пед. уч-щеде мұғалім болып жұмыс істеген. Ақынның алғашқы
өлеңдері 1962 ж. "Правда" баспасының жанынан шығатын "Нойес Лебен" газетінде жарияланған.
"Құрбыларыма" атты алғашқы өлеңдер жинағы 1969 ж. жарық көрген. В. қазақ және орыс
ақындарының өлеңдерін неміс тіліне аударған.
