АСЫЛБЕКОВӘбдірахман (1.5. 1938 ж.т., Жамбыл обл. Талас ауд-на қарасты Үшарал а.) - ақын.
Абай атынд. Алматы мемл. пед. ун-тінің тарих-филол. ф-тін бітірген. Мектепте мұғалім, обл.
газетте, респ. қазақ радиосында әдеби қызметкер, ҚР Министрлер Кеңесінің Баспа, полиграфия
және кітап саудасы істері жөніндегі мемл. комитетінде, "Жазушы" және "Жалын" баспаларында
редактор жұмысын атқарады. Сондай-ақ, Қазақстан Жазушылар одағындағы көркем әдебиетгі
насихаттау бюросында, Қазақстан Жазушылар одағының Жамбыл облыстық бөлімшесінде,
Республикалық "Әділет", "Мәдениет", "Заң" газеттерінде қызмет атқарған. Қазір "Көзқарас" және
"Заңғар" журналында жауапты қызметкер. 1955 ж. респ. газет-журналда "Бейбітшілік бақшасы",
"Жауды аяған жаралы" атты өлеңдері жарияланды. Балаларға арналған алғашқы өлеңдер жинағы
1961 ж. жарық көрді. Содан бергі уақытта 24 жыр кітабын шығарды. Лирика, ән текстері және
сатира жанрларымен де айналысып келеді.
