Нуржігіт Алтынбеков 1 А. И. Струков, В. В. Серов патологиялық анатомия бесінші басылым, стереотипті
жүктеу/скачать 7,24 Mb. Pdf көрінісі
|
- Бұл бет үшін навигация:
- Нуржігіт Алтынбеков
| Патологиялық анатомиясы.
Вегенер васкулитінің морфологиялық негізі: гранулемалы жауап қосарланатын некрозды жүйелік васкулит; жоғарғы тынысалу жолдарынан басталып, кейін кеңірдекті, бронхылар мен өкпе тінін басым қамтитын некрозды гранулематоз; гломерулонефрит. Вегенер гранулематозының барысында қан тамырларындағы өзгерістердің үш фазасы біртіндеп өрістеп, альтерация (некроз) экссудацияға, ал ол пролиферацияға жалғасады да, тамырлардың қабырғасында гранулемалар түзіледі. Ақырында ол жерлерде склероз бен гиалиноз дамып, созылмалы аневризмалар пайда болады, кейде тамырлардың саңылауы тарылып, тіпті бітеліп те қалады. Орта калибрлі (бұлшықетті) артерияларда көбіне эндартериит байқалса, кіші калибрлі артерияларды панартериит шарпиды. Микроциркуляциялық арнаның тамырлары үнемі зақымдалып, оларда деструкциялы және деструкциялы-пролиферациялы артериолит, капиллярит пен венулит орын алады. Ал гранулемалы тін аймақтары тап осы ұсақ тамырлардағы үдерістерден қалыптасады; кейін ол жерлерде некроз дамиды. Некрозды гранулемалар алдымен жоғарғы тыныстық жолдарда қалыптасып, назофарингит, гайморит, фронтит, этмоидит, ангина, стоматит, ларингит, отиттің клиникасы байқалады, мұрын сүйегі опырылады. Бұл ауруға іріңді қабыну дамып, ойық жаралар қалыптасып, қан кету тән. Кейде Вегенер гранулематозының локальді нысаны дамып, оның клиникалық бейнесі осы нышандармен ғана шектеледі. Ауру өрши келе, оның жалпы жайылған нысаны дамиды. Некрозды гранулемалар кеңірдекті, бронхыларды, өкпе тінін жайлап, ойық жаралы-некрозды үдеріс өрістеп, бронхпневмония ошақтары Нуржігіт Алтынбеков 295 пайда болады. Гранулемалар тынысалу жолында ғана емес, бүйректе, теріде, буындарда, бауырда, талақта, жүректе, басқа да мүшелерде болады. Ақырында гранулемалар шорланып, мүшелердің сиқы бұзылады. Вегенер гранулематозына тән үдерістің бірі — гломерулонефрит . Әдетте, мезангий-пролиферациялық немесе мезангий-капиллярлық гломерулонефрит дамып, шумақтағы капиллярлар мен артериолаларды фибриноидты некроз шарпиды, экстракапиллярлық қабыну өрістеп, «айшықтар» қалыптасады. Бұл аурудың басым көбінде жүктеу/скачать 7,24 Mb. Достарыңызбен бөлісу:
|