Нуржігіт Алтынбеков 1 А. И. Струков, В. В. Серов патологиялық анатомия бесінші басылым, стереотипті
жүктеу/скачать 7,24 Mb. Pdf көрінісі
|
| Патологиялық анатомиясы
. Жедел бронхит кезінде бронхының кілегейлі қабықшасына қан толып, ісінеді және қанды дақтар мен ойық жаралар пайда болады, саңылауына шырыш жиылады. Кілегейлі қабықша катарлы қабынып, фибринді немесе фибринді-геморрагиялы үдеріс өрістейді. Кейде бронхының кілегейлі қабықшасы ойылып, жараланды. Бронхиттің бұл нысаны деструкциялы-ойық жаралы бронхит деп аталады. Ал бронхиолалардағы жедел қабыну — бронхиолит — пролиферациялы да болуы мүмкін. Ондай жағдайда лимфоциттер, макрофагтар, плазмациттер шоғырланып, эпителийі көбейіп, бронхиолалардың қабырғалары қалыңдайды. Бронхының бастапқы (проксимал) бөлімінің, әдетте кілегейлі қабықшасы ғана ( эндобронхит ) немесе кілегейлі қабықшасы мен бұлшықетті қабаты ( эндомезобронхит ) зақымдалады. Бронхының соңғы (дистал) бөліміндегі үдеріс оның барлық қабатын қамтып ( панбронхит , панбронхиолит ), кейде төңірегіне де жайылады ( перибронхит ). Көбіне жедел бронхит бронхылардың кәріздік (дренаждық) әрекеті бүлінгендіктен асқынады. Өйткені мұндай жағдайда бронхылар тарамдарының дистал бөліміне инфекциялы шырыш өтіп (аспирация), өкпенің өзі де қабынады ( бронхпневмония ). Кейде панбронхит пен панбронхиолиттің салдарынан бронхылардың төңірегімен қоса, өкпенің аралық тіні де қабынады ( перибронхылық аралық пневмония . Жедел бронхиттің ақыры бронхының қабырғасы қаншалықты зақымдалғанына байланысты. Ұйымалы немесе шырышты катар нысанында өрістеген бронхит қайтымды болса, оның деструкциялы түрлері (іріңді катар, деструкциялы бронхит пен бронхиолит), әдетте пневмонияға ұласады. Патогенді әсер ұзақ болса, бронхит созылмалы ағымды. |