Оқытудағы инновациялық технология – білім берудің жаңа сапасымен қамтамасыз етудің кепілі

1. 
   Спиваковская А.С. Игра – это серьезно. -М.:Педагогика
   
2. 
   Зимний А.И. Элементы игры на уроках // Математика в школе.
   

Біздің халқымыздың тарихына бірегей рухани тәжірибе, аса бай интеллектуалдық және адамгершілік эстетикалық күш-жігер, ұшан теңіз жан дүниесінің маржандары мен шығармашылық ой қабілетінің күш – қуаты бар.

Халық мінезінің ең жақсы ерекшеліктері – бұл Атамекенге деген сүйіспеншілік, азаматтық парызы, әлеуметтік оптимизм, басқа адамның өміріне түсіністікпен қарап, оған қол ұшын беруге деген іскерлік, т.с.с.

Мінекей, осындай тарихи сана арқылы жан-жақты дамыған тұлғаның құндылықтарын қалыптастыруда тарих пәнінің орны ерекше. Тарих – ойға бағындырылған. Ал, тарихты зерттеп үйрену – өткенді ұсыну, қоғамдық болмыс заңдарын түсіну деген сөз. Ал, тарихтан білім берудің мақсаты – оқушылардың дүниетанымының негізі болатын тарихи сананы, тарихи білімді құрметтеу мен сыйлау сезімін қалыптастыру, оқушылардың тарихи процесс желісін түйсінуге, тарихтың мәдени – идеологиялық плюралистік идеясын, бұралаң жолын сезінуіне негіз жасау. Басқа пәндер тәрізді тарих пәні оқушылардың шығармашылық қабілеттерін дамытуда жаңа технологияларды маманның пайдалана ұйымдастыруымен тікелей байланысты. Менің алға қойып отырған мақсатым – оқу процесін ұйымдастырғанда әрбір оқушы өзінің іс-әрекетінен сезім алатындай, оқу – оқушы үшін қуаныш әкелетіндей етіп құру. Ал пәнді оқытудағы негізгі мақсаттарым:

1.Оқушыларды тархи оқиғаларды, үрдістерді терең түсінуге, салыстыра білуге ең мәнді ұғымдарды саралап алуына, тарихи оқиғалардың тарихтағы орнын бағалай білуге дағдыландыру.

2.Ойлау дағдыларының қалыптасуын ең ұтымды жауапты ісдестіре білуге баули отырып, өркениетті елдің білікті де, білімді жас ұрпағын қалыптастыру.

3.Оқушылардың пәнге деген танымдық қызығушылықтарын, оқуға деген ұмтылыстарын қалыптастыра отырып, іскерлігін дамыту.

Осы мақсаттарымды жүзеге асыру үшін қазіргі кезде қолданып жүрген оқытудың жаңа технологияларын пайдаланамын.

• 
  Ынтымақтастық
  
• 
  Білім берудегі ізгілендіру
  
• 
  Проблемалы оқыту
  
• 
  Тірек сигналдары арқылы оқыту
  
• 
  Түсіндіре басқарып оза немесе қарқынды оқыту
  
• 
  Деңгеймен саралап оқыту
  
• 
  Модульдік.