Стандартты қолдануда мынадай мақсаттарға жетуді көзделеді: білім беру саласындағы бірыңғай мемлекеттік саясатты қамтамасыз ету; жалпы орта білім беру құрылымының жас кезеңдеріне сәйкестігі; ерекше білім берудi қажет ететiн балаларды жалпы білім беру процесіне енгізу; білім сапасын қалыптасқан негізгі құзыреттіліктер түрiндегi білім беру нәтижелерiн енгiзу есебінен арттыру және оқушының, педагогтың, білім беру ұйымдарының қызметінің тиімділігін бағалау жүйесін құру;
Стандарттың мынадай талаптары бар: оқу пәндері бойынша білім беру бағдарламаларын әзірлеу; елiмiздiң жалпы орта бiлiм беру ұйымдарының меншік нысандарына, түрлері мен типтеріне қарамастан, оқу-тәрбие процесін ұйымдастыру.
Типтік оқыту бағдарламасы- мемелекеттік жалпыға міндетті білім беру стандартына негізінде әзірленіп, мазмұны типтік оқу жоспарындағы міндетті компонент пәндерінің оқу реті және көлемін, негізгі білім аясында көрсетілетін дағдылары мен біліктілігін, игеруге қажеттілігін анықтайтын білім саласындағы өкілетті орган бекітетін құжат.
Жоспар жасау дегеніміз – оқыту мен тәрбие жұмысын жақсарту бағытында көптеген шараларды белгілеу. Дәлелденген нақты жоспар әрбір басқару циклінің дайындық кезеңі, сондықтан оған мектеп басқару ісінің ғылыми жолмен келе жатқандығын көрсетеді. Жоспар қысқа, нақты және айқын болу керек.
Пән мұғалімінің күнтізбелік, тақырыптық және сабақтық жоспарлары болады. Күнтізбелік-тақырыптық жоспар – бұл педагогтың оқу қызметінің жобасы . Жыл басында әр мұғалім өзінің оқу жоспарында әр сабақтың мәнін сипаттау арқылы күнтізбелік - тақырыптық жоспарды жасайды . Онда әр тақырыпқа бөлінген сағат саны , сабақ түрі , күні , пән аралық байланыс, тақырыптың қысқаша мазмұны , оқушы жұмысының түрі , қолданылған әдебиеттер тізімі көрсетіледі.
Сабақ жоспары - әр сабаққа жасалады , ол оқу жұмысын жоспарлаудың негізгі формасы , яғни мұғалімнің нақты сабаққа дайындалуы мен жұмыс түрлерін анықтауды айтамыз. Сабақ жоспары жасалатын мақсатты мерзіміне қарай 3-ке бөлінеді :
Қысқа мерзімді жоспар – ҚМЖ (күнделікті сабақ жоспары) ;
Орта мерзімді жоспар – ОМЖ (белгілі бір тарауға немесе көлемді тақырыпқа байланысты жасалуы мүмкін);
Ұзақ мерзімді жоспар – ҰМЖ (тоқсанға немесе оқу жылына жасалуы мүмкін) .
