Оқулық Алматы, 2014 Қазақстан Республикасы Білім және ғылым министрлігінің «Оқулық»
Батырылатын жүзбелі бұрғылау қондырғылары
жүктеу/скачать 28,1 Mb. Pdf көрінісі
|
| 3.2 Батырылатын жүзбелі бұрғылау қондырғылары
Батырылатын жүзбелі бұрғылау қондырғылары – теңіздің жағалау алқаптарында барлама бұрғылау жұмыстарын жүргізу үшін қолданылады. Әр ба- тырылатын жүзбелі бұрғылау қондырғылары төменгі жағы понтонмен аяқталады. Қондырғылар тұрқы понтондарға құбырлар арқылы жалғасады. Понтонның бірнеше су құйылатын бөліктері бар, олар сумен толтыру (батырғанда), не судан құрғату (көтергенде) үшін сораптармен байланысады. Сораптар понтондардың алдыңғы жағындағы екі тірек құбырдың түбінде орналасқан. Су ығыстырғыш құбырлардың диаметрлеріне байланысты батырылатын жүзбелі бұрғылау қондырғылары теңіз түбіне қондыру жағдайын анықтайды. Батырылатын жүзбелі бұрғылау қондырғылары үш түрге бөлінеді: а) Батырылатын понтонды жүзбелі бұрғылау қондырғылары; б) Батырылатын понтонсыз, өздігінен тіректер арқылы көтерілетін жүзбелі бұрғылау қондырғылары; с) Батырылатын, өздігінен тіректер арқылы көтерілетін, понтонды жүзбелі бұрғылау қондырғылары; Батырылатын понтонды жүзбелі бұрғылау қондырғыларын қолданғанда, егер тіреу құбырларының диаметрлері 1-2 м болса, олар жүзбелі бұрғылау қондырғыларын теңіз түбіне отырғызғанда, оның орнықтылығын қамтамасыз ете алмайды. Сондықтан жүзбелі бұрғылау қондырғыларын отырғызу үшін понтондардың бір шетін жынысқа тірелгенше қисайтып, содан кейін понтондардың бос бөліктерін сумен толтырып, олардың теңіз түбіне толық отыруын қамтамасыз ету қажет. Егер құбырлар диаметрі 4-8 м болса, мұндай диаметрлі құбырлар жүзбелі бұрғылау қондырғыларын батырғанда орнықтылықты қамтамасыз етеді. Бұл жағдайда понтондар және жоғары палубалар, бату кезінде су бетіне па- раллель күйінде теңіз түбіне отырғанша қозғалады. 49 Мұндай жүзбелі бұрғылау қондырғыларын теңіз түбінен жеңіл көтеру үшін, понтонның астындағы жынысты жуу жүйесін құру керек (тарту күшін азайту үшін). Мұндай жүзбелі бұрғылау қондырғыларында понтондар мен қондырғы тұрқы арасында қатаң байланыс болғандықтан, олардың ауырлық центрі жоғары орналасады. Сондықтан, тасымаддау кезінде (әсіресе дауылды жағдайда) жүзбелі бұрғылау қондырғыларының орнықтылығы төмендеп, аударылып кету қаупі туындайды. Батырылатын понтонды қондырғының құнды жағы – оны теңіз түбіндегі осал жыныстарға орнатса жақсы нәтиже береді. Жүзбелі бұрғылау қондырғыларын орнату алдында дайындық жұмыстары жүргізіледі, ұңғыма сағасынан 50 м радиус аймағында су тереңдігі, теңіз түбінің жайы және жыныстардың физикалық-механикалық қасиеттері зерттеліп анықталады. Батырылатын жүзбелі бұрғылау қондырғылары жағалаудағы базадан неме- се бұрғылау аяқталған ұңғымадан, келесі нүктеге буксирлеуші кеме көмегімен тасымалданады. Батыралатын понтонсыз, өздігінен тіректер арқылы көтерілетін жүзбелі бұрғылау қондырғыларын қолданғанда ол нүктеге жеткізілгеннен кейін, жыл- жымалы тіректер теңіз түбіне дейін түсіріледі, онан кейін оның тұрқы тіректер арқылы теңіз деңгейінен қажет биіктікке көтеріледі. Батырылатын, өздігінен тіректер арқылы көтерілетін понтонды жүзбелі бұрғылау қондырғыларын қолданғанда оны бұрғылау нүктесіне жеткізілгеннен кейін, понтондар жылжымалы тіректермен теңіз түбіне дейін түсіріледі де, ол тұрқы тіректер арқылы теңіз деңгейінен қажет биіктікке көтеріледі. Батырылатын жүзбелі бұрғылау қондырғыларын пайдаланғанда ең саяз су тереңдігі 2,14-3,0 м, ең терең су тереңдігі 55 м болады. Бүкіл әлемде батырыла- тын жүзбелі бұрғылау қондырғылар саны 29. жүктеу/скачать 28,1 Mb. Достарыңызбен бөлісу:
|