Нанокомпьютер – логикалық элементтер көлемі бірнеше нанометр шамасындағы электронды (механикалық, биохимиялық, кванттық) технологиялар негізіндегі есептеу құрылғысы. Нанотехнологиялар негізінде жасалатын компьютердің өзі микроскопиялық көлемді болады. Қазіргі уақытта нанотранзистор жасалды – нанопроцессор негізі (1.3-сурет).
Биокомпьютер – тірі ағза сияқты жұмыс істейтін немесе биологиялық компоненттері бар компьютер. Биокомпьютерлер молекулярлы есептеулерге негіздеумен құрылған (зерттеудің бағыты).
Есептеу элементтері ретінде бір-бірімен әрекеттегі ақуыз бен нуклеин қышқылдары пайдаланылады (1.4-сурет).
Displair – тозаңдатқыштан су тамшысының ағынымен жасалатын экран. Жүйенің ерекшелігі – пайдаланушы суретке қарап ғана қоймай, онымен өзара әрекеттесе алады: экранда қолдың қозғалысын белгілейтін датчиктер жинағымен құрастырылған.
Мультитач қолдаулы – «тұманды дисплей», бір уақытта бірнеше тигізуді қабылдауға қабілетті (1.5-сурет).
«Принтер» дәстүрлі терминін қандай да бір ақпаратты қағазға шығаратын құрылғыны атаймыз. Қағаз – әрқашан да жазықтық (егер де оны бүктемесек немесе бұрмаламасақ) және ондағы ақпарат екі өлшемді. Сондықтан дәстүрлі принтерлерді «2D-принтерлер» деп атауға болады.
Үш өлшемді, немесе 3D-принтер, – бұл үш өлшемді деректерді шығару құрылғысы (әдетте, көлемді геометрия) (1.6-сурет), яғни оның жұмыс нәтижесі физикалық объекті болып табылады.
Көлемді (үш өлшемді, 3D) басып шығарудың бірнеше технологиялары бар, алайда барлығының негізінде берік геометрияның қабаттасу принциптерін құру жатыр.