«Олар (Ибраһимге)
кірген кезде: «Сәлем», – десті. (Ибраһим
де)
: «Сәлем, бөгде қауым», – деді. Дереу үйіне барып, семіз бір бұзау әкелді. Оны оларға жақындатып: «Жемейсіңдер ме?» – деді. (Тамаққа қол созбағандарын көріп)
, олардан тіксініп, қорықты. Олар: «Қорықпа!» – деді де, оны білімді бір ұлмен сүйіншіледі. Сонда (Ибраһимнің)
жұбайы, демін ішіне тартып келіп, өз бетін ұрды да: « (Мен)
бір бедеу кемпір», – деді. Олар: «Раббың осылай деді. Ол – аса Дана, бәрін Білуші», – деді» 1 , –
деген.
Сонда барып Ибраһим олардың періште екенін білді. Өйткені
олар:
«Қорықпа, расында, біз Луттың қауымына жіберілдік» 2 ,
– деген-ді.
Сөйтіп, періштелер өздерінің басты мақсаттары не екенін
айтты. Аллаһ тағала:
« (Ибраһим)
: «Ей, елшілер! Бұйымтайларың не?» – деді. Олар: «Шын мәнінде, біз бір күнәкар елге жіберілдік. Оларға лайдан тас жаудыру үшін! (Бұл)
Раббыңның алдында шектен шыққандар үшін белгіленген», – деді» 3 , – деп айтқан.
1
«Зәрият» сүресі, 25-30 аяттар.
2
«Һуд» сүресі, 70-аят.
3
«Зәрият» сүресі, 31-34 аяттар.
