Сборник материалов международной научно-практической конференции

60 
Бүгінгі таңда әлемде өз білімінің деңгейіне қанағаттанған, өз білім беру жүйесіне риза 
бірде-бір мемлекет жоқ деп айтуға болады. Себебі барлығы жаңа мазмұнды, жаңа формалар мен 
оқыту әдістемелерін іздеу үстінде. 
Білім беру қызметінің инновациялық әдістері эксперименттер мен инновациялық 
жобалары арқылы іске асырылады да, заманауи білім беруді дамытудың трендтері 
қалыптасады. Біз болсақ біліктілігімізді арттырып, тиімділігін айқын түсініп, өз жұмысымызда 
ескеруіміз керек.
Жаңартылған білім берудің негізгі міндеті - студенттерге өзінің бірегейлігін сезінуге, 
қиындықтарды жеңуге және өз әлеуетін іске асыруға көмектесу. Білім беру барысы сыни ойлау 
мен креативтілікті дамытуы тиіс, қазіргі әлемде табысқа жетуге мүмкіндік беретін дағдылар 
мен білім беруге тиіс. 
Мақаланы жазу барысындағы келесі міндеттерді орындауға назар аудардым: 

Заманауи білім беру үдерісін талдап білім сапасы мәселесін шешудің табысты жолдарын 
анықтау; 

Білім беру қызметінің тиімділігіне қатысты мәселені кешенді түсіну, анықтамалық және 
практикалық идеялар көзін құру; 

Инновациялық әдістердің артықшылықтары мен кемшіліктерін, нақты тәсілдердің мәні 
мен құндылығын (немесе қауіптілігін) түсіндіру; 

Әрбір үрдістің аса маңызды аспектілеріне назар аудару. 
Жаңартылған білім берудің инновациялық бағыты дербестендіру дифференциация 
тақырыбына айтарлықтай қызығушылық тудырады. Көптеген адамдар бұл сұрақ білім беру 
жүйесінің болашағына елеулі әсер етеді және білім беру контентін жариялауды дамыту үшін 
бағыт береді деп санайды. Сонымен, білім саласындағы дербестендіру студенттердің өз 
қажеттіліктері мен мүмкіндіктерін талдай білуге және бағдарламаны өз бетінше таңдауға 
негізделген. Дербестендіру оқытудың жоғары дамыған дағдыларымен тығыз байланысты, әрбір 
студенттің жеке оқыту стиліне зейінмен және үдерістік-бағытталған тәсілдеумен ерекшеленеді. 
Заманауи инновациялық білім жеке тұлғаға бағытталған, осыған орай біріншіден, студентке 
білімді қажетті деңгейде меңгеру керектігін көрсету керек. Екіншіден, студенттерге оқытудың 
тиімділігін қалай арттыруға болатынын көрсету керек. Үшіншіден оларға ең үздік студент болу 
керектігін көрсету керек. 
Келесі бір тоқтала кететін мәселе ол бүгінгі күні мұғалім ақпараттың негізгі көзі болуын 
тоқтатқан тенденция. Студенттер кез келген уақытта және кез келген жерде шектеусіз деректер 
көлеміне өз бетінше қол жеткізе алады. Демек, аудиторияда оқытушының рөлі өзгерді. 
Оқытушы тек қана тақтада ғана емес, қажетті көмек пен қолдау көрсету үшін студенттермен 
тығыз байланыста болады. Заманауи оқытушы үйреншікті лектордан гөрі тәлімгер және 
кеңесші. 
Қазіргі заманғы оқытушылар оқыту әдістерін өзгерту және заманауи әлемде өз әдістері 
мен материалдарының өзектілігі мен қажеттілігіне қол жеткізу керектігін мойындауы тиіс. 
Оқытушы мен студентке бағытталған оқыту арасындағы негізгі айырмашылықтарды 
қарастырайық. (Кесте №1) 
Кесте №1 

жүктеу/скачать 1,78 Mb.

Достарыңызбен бөлісу: