Қазақстан республикасы білім және ғылым министрілігі ұсынады
Оқушыларды зерттеп білудің сипаттамасы 11-кестеде ашылды. Кесте-11. Оқушыларды зерттеп білудің сипаттамасы
жүктеу/скачать 8,96 Mb. Pdf көрінісі
|
аза стан республикасы білім ж не ылым министрілігі сынады
|
Оқушыларды зерттеп білудің сипаттамасы 11-кестеде ашылды. Кесте-11. Оқушыларды зерттеп білудің сипаттамасы Оқушыларды зерттеудің сипаттамалық мәліметтері 1 Оқушының тегі, аты-жөні (жалпы мәлімет) 2 Оқушының денсаулығы 3 Оқушының отбасындағы өмірі мен тұрмыс жағдайы 4 Ішкі жан дүниесі, рухани байлығы 5 Мінез-құлқы, темпераменті, қабілеті, қызығушылығы, еркі, зейіні және т.б. 6 Үлкендермен, кішілермен, ата-анасымен, достарымен қарым-қатынасы 7 Моральдық бейнесі, адамгершілік қасиеттері 8 Еңбекке көзқарасы 9 Эстетикалық талғамы, өнерге, әдебиетке ден қоюы 10 Интеллектуалдық дамуы 11 Идеялық сауаттылығы және т.б. Сонымен қатар, сынып жетекшісі өз жұмысының төмендегідей бағыттарын айқындайды: - оқушының жеке дамуын бақылау, оның еркін дамып, қабілеттерінің ашылуына жағдай жасау; - оқушының ынтасы мен қабілетін зерттеу, кәсіби бағдар беру; - оқушылардың қоғамдық-құнды қатынастарға жетелейтін әрекеттерінің барлық түрлерін (жеке-дара, топтық, ұжымдық) ұйымдастыру; - оқушылардың еркіндіктері мен құқықтарын сақтауға мүмкіндік жасау; - барлық тәрбиелік күштердің өзара ынтымақтастығы мен байланыстарын ұйымдастыру; - сыныпта оқу-тәрбие процесін ұйымдастыру; - оқушылардың тұрмыс жағдайларын зерттеу; 124 - сыныптағы оқушыларды іс-шараларға тарту және басқа ұжымдармен байланыс орнату; - оқушылардың дамуындағы, жеке мінез-құлықтарындағы ауытқуларды байқау, оларды психологиялық және педагогикалық тұрғыдан түзету, күрделі жағдайларда басшыларды құлақтандыру; - өмірде кездесетін күрделі проблемаларды шешуде оларға көмек көрсету; - оқушылардың әлеуметтік және заңды құқықтарын қорғау; - тәрбие жұмысының нәтижелілігін көрсететін іс-қағаздар жүргізу (оқушылардың жеке құжаттары, күнделігі, сынып журналы және т.б.); - мектептің тәрбие жұмысына мұғалімдерді, ата-аналарды, білім және өнер саласындағы мамандарды тарту; - үнемі тәрбие теориясына, практикасына, психология және педагогика мәселелеріне байланысты кәсіби біліктілігін жетілдіру; - өз іскерлігі мен жауапкершілігін дәлелдей отырып, оқушылармен жылы қарым-қатынас орната алуы және т.б. Сынып жетекшісі тәрбие процесінің ерекшеліктерін ескере отырып, тәрбие ісін төмендегідей бірізділікпен басқарса, жұмысы нәтижелі болады: • тәрбие ісінің негізгі мақсатын, міндеттерін, маңызын біліп, түсінуі, өзекті мәселелерін көре білуі. Оқу-тәрбие жұмысының тиімді әдістері мен қажетті түрлерін пайдалану әдістемесін меңгеруі; • талдау барысында тәрбие ісінің белгіленген мақсатқа сәйкестігін анықтауы, кемшіліктерінің себептерін түсінуі; • өз жұмысының нәтижесін болжау және қайшылықтарды, тәрбие ісін жүргізудің басым бағыттарын көре білуі. Жоспарды оқушылардың даму нәтижесіне байланысты құруы; • оқушыларды зерттеу арқылы тәрбиелік міндеттерді анықтауы; • оқушылардың даму деңгейіне байланысты тәрбиенің негізгі міндеттерімен, оларға сәйкес іс-әрекеттерін белгілеуі. Тандап алған іс-әрекеттердің түрлері мен тәрбие жұмысының әдістері, формалары тәрбие ісінің деңгейін көтеруге тиісті ықпал жасайтынына тәрбиешінің толық сенуі; • тәрбие ісінің нақты бағдарламасын жасауы. Оқушылардың көзқарасын қалыптастыру жолдарын тереңнен ойластыруы; • сынып жетекшісі іс-әрекетті ұйымдастырып қана қоймай, оқушылардың жақсы қасиеттерінің дамуына жағдай жасауға тиіс. Істі қорытындылағанда, олардың жетістіктеріне көңіл бөлгені жөн; • тәрбиелеу барысында тәрбиешінің өзінің күшті және әлсіз жақтарын ескеруі; • тәрбие ісін жетілдіру мақсатымен өз жұмысын өзі тексеріп, талдап, оқушылардың даму деңгейін зерттеп отыруы. Сынып жетекшісінің оқушылар және олардың ата-аналарымен қарым-қатынасты ұйымдастырғанда атқаратын міндеттері 38-суретте ашылды. |