НұРСҰлтан назарбаев тәуелсіздік дәуірі әож 23 (574) кбж 66. (5Қаз) н 19 н 19
Жаңа жаһандық ахуал: 2015 жылғы Жолдау
жүктеу/скачать 3,95 Mb. Pdf көрінісі
|
38c124e6864be4e165f7b53504281d9e
| Жаңа жаһандық ахуал: 2015 жылғы Жолдау
2014–2015 жылдары мен жедел қарқын алған жаһандық және аймақтық үдерістердің динамикасын мұқият бақыладым және оның Қазақстанға ти- гізуі мүмкін ықпалына болжам жасадым. 2015 жылы тамызда Үкімет мұнайдың әр баррелі бағасының 20–30 дол- ларға дейін төмендеуі жағдайындағы іс-әрекет нұсқаларын қарастырды. Бұл алдын-ала қамдану өзін ақтады: 2015 жылдың екінші жартысында мұнай бағасының құлдырай түсуіне қарамастан, дер кезінде қолданылған шаралар өнім өндіруді төмендетпеуге мүмкіндік берді. 2015 жылы 30 қарашада «Қазақстан – жаңа жаһандық ахуалда» атты Жолдау халық назарына ұсынылды. Әлемнің тез өзгеруде екендігі – оның негізгі тезисі болды. Жаңа сын-қатерлері мен тың мүмкіндіктері қатар өр- біген жаһандық ахуал біздің көз алдымызда өзгеруде. Әлемдік экономи- каның өсу қарқыны баяулады, нарық тұрақты емес, мұнайдан түсетін аса жоғары табыс жоқ, әлемде сенім азайып келеді. Жаңа жаһандық ахуалдағы әлемнің дамуы – әлемдік және аймақтық күш орталықтарының қатал бәсе- келестік жағдайында өтетін болады. Сондықтан да жаңа жаһандық ахуалдағы барлық сын-қатерлерге біз үш қарапайым, бірақ маңызды ұғымға – өсім, реформа, дамуға негізделген, дағдарысқа қарсы өз стратегиямызды қарсы қойдық. Өсім – экономиканың қажетті қарқынмен өсуі. Реформалар – ең терең өзгерістер. Даму – қоғам- ның барлық салаларын үздіксіз жаңғырту. Жаңа ахуалда жаһандық дағдарысқа тек әртараптандырылған эконо- мика ғана қарсы тұра алады. Демек, теңге бағамының еркін айналымы жағдайындағы қаржы саласын тұрақтандыру үшін, бәсекелестікті ынталан- дыру үшін дағдарысқа қарсы кешенді және құрылымдық өзгерістерді жүзе- ге асырып, белсенді инвестициялық саясатқа көшу керек. Егер бұл мәселелер шешілсе, 2020-шы жылдардың ортасына қарай біз жыл сайынғы экономикалық өсімді 5 проценттік деңгейге, өңдеуші өнер- кәсіп экспортын екі есеге (жылына 30 миллиард долларға дейін), инвести- цияның өсімін жыл сайын 10 миллиард долларға өсіре отырып, 100 милли- ард долларға дейін жеткіземіз, 660 мың жаңа жұмыс орнын құрып, еңбек өнімділігін екі есе арттырамыз. Экономикалық тәуекелдерге қарамастан, мемлекет белсенді әлеумет- тік саясатты жүргізумен келді. 2016 жылдың қаңтарынан бастап білім беру, денсаулық сақтау қызметкерлерінің еңбекақысы 29 процентке дейін, зей- нетақы 40 процентке дейін өсті, ортақ зейнетақы индексацияланды. Сон- 350 ТӘУЕЛСІЗДІК ДӘУІРІ дай-ақ 2016 жылы мүгедектігі мен асыраушысынан айырылуға байланысты әлеуметтік жәрдемақылар, шәкіртақылар 25 процентке өсті. Мен барлық алға қойылған міндеттер мен жоспарланған қадамдар- дың нақты қаржыландырумен қамтамасыз етілуін қатаң талап еттім. Бас- ты талабым: осы қаражатты тиімді пайдалану – Үкіметтің басты міндеті және жауапкершілігі. Осыған сәйкес, дағдарысқа қарсы бағдарламаны қаржыландыруға аса қомақты сома – 7,2 триллион теңге бөлінді. Дегенмен жауапкершілікті сол кезде бәрі де сезінді. Бізді алда ауыр жұ- мыстар күтіп тұрғанына дайын едім. Алайда біз келешекке үмітпен қара- дық, келе жатқан күрделі кезең біз үшін еңсеру кезеңі болатынын білдік, жаңа жаһандық дағдарысты міндетті түрде жеңеміз деп сендік. |