басымдылық беру. Жолы – қазақ тілін білім алушының сөйлеу қабілетін дамытудың базасы ретінде
меңгерту және пәннің әдістемесін өмірлік дағдылар мен тәжірибелік машықтарды қалыптастыру
бағытында жетілдіру. Қағидасы: «Оқыту оқулықтан өмірге қарай емес, өмірден оқулыққа қарай жүруі тиіс» (Ж.Аймауытов) [4,312 ].
Мұндай нәтижеге қол жеткізу білім білім үшін емес, білім білік қалыптастыру үшін берілгенде
мүмкін болады. Бұл тенденцияның түпкі негізінде қазақ тілін грамматиканың «бұғауынан босатып»,
оны оқытудың коммуникативтік бағытын күшейту мәселесі жатыр. Пән мазмұнына білім алушыны
кез келген өмірлік жағдаятта өз ойын жатық, анық, түсінікті, мазмұнды, көркем, жүйелі жеткізуге
төселдіретін білім мен білікті қалыптастыратын тақырыптарды енгізу қажет. Бұл сөйлеу тілін
коммуникативтік-функционалдық жүйе тұрғысынан таныта отырып, тілдік амал-тәсілдердің
прагматикасын коммуникативтік жағдаятпен орайластыра ашу арқылы жүзеге асады. Сонда ғана
тілдік білімнің әлеуеттік күш қалпында қалмай, білім алушының өмірлік дағдыларын дамытуға база
болатыны хақ.
4. Қазақ тілін оқыту үдерісінде білім алушыны әрекет субъектісі деп танитын
