Осы Заңның 46-48-баптарында көзделген тəртіппен əке екені
белгіленген жағдайда балалардың ата-аналары мен олардың
туыстарына қатысты бір-бірімен некеде тұратын адамдардан
туған балалардағы сияқты құқықтары мен міндеттері болады.
9-тарау
БАЛАНЫҢ ҚҰҚЫҚТАРЫ
52-бап. Баланың отбасында өмір сүру жəне тəрбиелену
құқығы
1. Он сегіз жасқа (кəмелетке) толмаған адам бала деп
танылады.
2. Əрбір баланың мүмкін болғанынша отбасында өмір сүруге
жəне тəрбиеленуге құқығы, өзінің ата-анасын білуге құқығы,
олардың қамқорлығына құқығы, өзінің мүдделеріне қайшы келетін
жағдайларды қоспағанда, олармен бірге тұруға құқығы бар.
Баланың өз ата-анасы тəрбиеленуіне, оның мүдделерін
қамтамасыз етуіне, жан-жақты өсіп-жетілуіне, оның адамдық
қадір-қасиетінің құрметтелуіне құқығы бар.
Ата-анасы болмаған жағдайда, оларды ата-ана құқығынан
айырған жағдайда жəне ата-ана қамқорлығынан айырылудың
басқа да жағдайларында баланың отбасында тəрбиелену
құқығын осы Заңның 13-тарауында белгіленген тəртіппен
қорғаншы жəне қамқоршы орган қамтамасыз етеді.
Достарыңызбен бөлісу: 
