Ұнтақтарға нығыздалып (басылып) қалу тән. Бұл сусымалы материалдар ұзақ уақыт бойы қозғалыссыз жатып қалғанда туындайды. Соның нәтижесінде сусымалы материалдар өзінің аққыштығын жоғалтып монолитке (тұтас кесекке) айналуы мүмкін. Нығыздалу ерекше зияндылықты ұнды, қантты, крахмалды, ашытқыларды және басқа тамақ массаларын сақтағанда көрсетуі мүмкін. Нығыздалумен күресу үшін активті және пассивті әдістер қолданылады. Активті әдістер сусымалы массаға нығыздалуды болдырмау үшін нығыздалуға дейін әсер етумен байланысты. Пассивті әдістерге нығыздалып қалған өнімді бастапқы аққыштыққа келтіру немесе нығыздалудың теріс ықпалын болдырмау жатады.
