3. Ұнтақтар Ұнтақтар деп ДФ-сы – қатты зат, дисперсиялық ортасы-ауа немесе басқа газ (Қ/Г) болатын жоғары концентрленген микрогетерогенді жүйені айтады.
Ұнтақтарда ДФ бөлшектері бір-бірімен түйісуде болады. Дәстүр бойынша ұнтақтарға көбінесе сусымалы материалдарды жатқызады, бірақ тар мағынада “ұнтақтар” терминін бөлшек аралық әрекеттесу күші бөлшек шамасына шамалас, бөлшектерінің мөлшері қайсыбір өтпелі (критикалық) мәннен кіші болатын жоғары дисперсті жүйелерге қолданады. Ең көп тараған ұнтақтарға бөлшектерінің мөлшері 1-100 мкм аралығындағы ұнтақтар жатады. Мұндай ұнтақтардың фазааралық меншікті беті бірнеше м 2 /г-нан (күйеде) м 2 /г-ның үлесі (ұсақ құм) аралығында өзгереді. Қатты ДФ (Қ/Г) аэрозольдардан ұнтақтардың айырмашылығы қатты бөлшектердің концентрациясының тым үлкен болуында. Ұнтақты ДФ қатты аэрозольдардан оларды седиментациялау арқылы алуға болады. Кептіргенде суспензиялар да ұнтаққа айналады.
