Курсты оқып-үйрену нәтижесінде магистранттар:
«білім мазмұны» ұғымының мән-мағынасы мен көлемін;
білім мазмұнының құрылымын;
бастауыш білім мазмұнының деңгейлерін;
бастауыш білім мазмұнын іріктеу мен құрастырудың принциптерін;
бастауыш мектептің оқу пәндерін оқытудың қазіргі заманғы технологияларының үлгілерін білулері тиіс.
Курсты оқып-үйрену нәтижесінде магистранттар:
- өз бетінше жаңа білім алулары;
- іс-әрекеттің жаңа түрлерін оқып-үйренулері;
- бастауыш білімнің қазіргі заманғы мазмұнын және қазіргі заманғы технологияларын талдай алулары;
- ғылыми зерттеулердің нәтижелерін жүйелей білулері;
-бастауыш білімнің базалық мазмұнын үш деңгейде (теориялық деңгейде, оқу пәні және оқу материалы деңгейлерінде) құрастыра алулары;
- бастауыш мектепте оқытудың қазіргі заманғы технологияларын жүзеге асыра білулері керек.
ПӘННІҢ МАЗМҰНЫ
Кіріспе
Білім мазмұнын құрастыру мен оқыту технологиясын түзумен байланысты қойылған міндеттерді шешу философияны, жоғары мектеп педагогикасы мен психологияны қамтитын теориялық білімдер жүйесі негізінде ғана жүзеге асады. Сондықтан аталмыш білім тарихы мен философиясы, шетел тілі, менеджмент, психология және педагогика сияқты базалық пәндерді оқып үйренгеннен кейін ғана енгізіледі. Сондай-ақ бұл курс дербесәдістемелік пәндерді оқытудың ғылыми-теориялық негіздері, педагогикалық пәндерді оқытудың әдістемесі, бастауыш оқытуда озат педагогикалық тәжірибелерді оқып үйрену, жалпылау және тарату әдістемесі, педагогикадағы математикалық әдістер деп аталатын бейіндік пәндерді оқып үйренумен тығыз байланысты.
Курстың объектісі: білім мазмұны мен оқыту технологиясы магистранттың 7М01303 - Бастауыш оқыту педагогикасы мен әдістемесі БББ бойынша Қазақстан Республикасы мемлекеттік білім стандартына сәйкес кәсіби білімінің құрамдас бөлігі рөлі.
Курстың пәні: 7М01303 - Бастауыш оқыту педагогикасы мен әдістемесі БББ бойынша Қазақстан Республикасы мемлекеттік білім стандартына сәйкес магистранттарда білім мазмұнын жасау мен оқыту технологиясы бойынша білім, білік және дағдысын қалыптастыру барысы.
Достарыңызбен бөлісу: |
