Қылмыстың тікелей объекті – мемлекет қауіпсізідігін, Қазақстан Республикасының конституциялық құрылымын, егемендігі мен аумақтық бүтіндігін қамтамасыз ететін қатынастар.
Қарулы бүлiк ретінде Қазақстан Республикасының конституциялық құрылысын құлату немесе өзгерту, Қазақстан Республикасының біртұтастығы мен аумақтық бүтіндігін бұзу мақсатында қаруланған көтеріліс түсініледі.
Қарулы бүлiк (ҚР ҚК 181-бабы)
Қылмыстың объективтік жағы қарулы бүлікті ұйымдастыру бойынша әрекеттерді немесе қарулы бүлікке белсенді түрде қатысуды білдіреді.
Қарулы бүлікті ұйымдастыру қолға қару ұстап көтерілуде батыл шешімді қалыптастыруынан, оны арандатуынан, басқа да дайындық әрекеттерін жүргізуінен білінеді. Дайындық әрекетеріне қаруларды дайындау немесе сатып алу, жауынгерлікке содырларды әскери дайындықтан өткізу жатқызуға болады және т.с.с.
Қарулы бүлікке қатысу Қазақстан Республикасының конституциялық құрылысын құлату немесе өзгерту мақсатында қарулы әрекеттерді,сондай-ақ мемлекеттің біртұтастығы мен бүтіндігін бұзуға бағытталған сепаратисттердің қарулы әрекеттерін білдіреді.
Қарулы бүлiк (ҚР ҚК 181-бабы)
Мысал ретінде, Төлешов билікті күштеп басып алуға дайындық жұмыстарын жүргізуде нақты қадамдарға барған. Оның әрекеттері шиеленіс ошақтарын жасау арқылы елдегі жағдайды тұрақсыздандыру, жаппай тәртіпсіздіктер мен наразылық акцияларын ұйымдастыруға көзделген. Әсіресе, елдің батыс өңірлерінде «жер мәселесін» (шетелдіктерге жер сатылмауын талап ету ереуілдері және т.с.с.) ушықтыру арқылы билік басына келу, бастапқы сатыда «баламалы үкімет» құруды ойластырған. Өзінің жақтастары арасынан мемлекеттік биліктің жоғары лауазымдарын да алдын ала бөліске салып, ондай лауазымдарды өзінің сыбайластарына уәде еткен. Астана қаласының Мамандандырылған ауданаралық әскери соты Тоқтар Төлешовке қатысты сот үкімі, ҚР Қылмыстық кодексінің 58-бабының 4-бөлігі бойынша құқықбұзушылықтар жиынтығы қоса отырып, Төлешовті 21 жылға бас бостандығынан айыру жазасына кесті. Заңсыз жолмен келген мүлкі толығымен тәркілеп, өмір бойы басшылық қызметпен айналысуға тыйым салды, сондай-ақ ол жазасын қатаң тәртіптегі колонияда өтейтін болды.
